Хамтран ажиллах санамж бичиг байгууллаа

 

Баянхонгор аймгийн Улсын бүртгэлийн хэлтэс  тус аймгийн Монголбанкны салбартай олон нийтийн улсын бүртгэл болон банк, санхүүгийн эрх зүйн мэдлэгийг дээшлүүлэх чиглэлээр хамтран ажиллах санамж бичиг байгууллаа.

Тус санамж бичгийн зорилго нь Иргэдийн улсын бүртгэлийн болон банк, санхүүгийн эрх зүйн боловсролыг дээшлүүлэх замаар эрх зүйн ухамсрыг төлөвшүүлэх, санхүүгийн болон бизнесийн зөв шийдвэр гаргах, аливаа эрсдлээс урьдчилан сэргийлэх чадвар эзэмшүүлэх, санхүү, банкны систем болон улсын бүртгэлийн байгууллагад итгэх олон нийтийн итгэлийг дээшлүүлэхэд зохих хувь нэмэр оруулах, цаашлаад хамтын оролцоогоор дамжуулан орон нутгийн эдийн засгийн тогтвортой өсөлт, хөгжпийг дэмжих үйл ажиллагаанд олон нийтийн оролцоог нэмэгдүүлэхэд чиглэгдэж байна. 

Хамтран ажиллах санамж бичгийн хүрээнд банк, санхүүгийн салбарын ажилчид болон улсын бүртгэлийн байгууллагын албан хаагчдын мэргэжил, ур чадварыг дээшлүүлэх, иргэдийн улсын бүртгэлийн болон банк, санхүүгийн эрх зүйн мэдлэгийг дээшлүүлэхэд чиглэсэн сургалтын төсөл, хөтөлбөрүүдийг хэрэгжүүлэх юм. Ингэснээр иргэд банк, санхүүгийн талаар өргөн мэдлэгтэй болж, хөрөнгийн зах зээлд өөрийн өмчөө эдийн засгийн эргэлтэд хуулийн хүрээнд зөв оруулж, улсын бүртгэлийн эрх зүйн үйлчилгээний талаар зохих мэдлэгтэй болно. Мөн иргэдийн хугацаа хэтэрсэн, найдваргүй өрийн хэмжээ буурах, улсын бүртгэл, банк, санхүүгийн байгууллагын мэргэжилтнүүдийн мэргэжлийн ур чадвар сайжирч банк, санхүүгийн гэрээ хэлцэл байгуулахдаа хүний эрхийг хөнддөг, зөрчдөг аливаа асуудлыг бууруулна гэсэн үр дүнг хүлээж байгаа юм. 

 

ХАРИЛЦАХ

Засгийн газрын хэрэгжүүлэгч агентлаг - Оюуны өмч, улсын бүртгэлийн ерөнхий газар 14171 Улаанбаатар хот, Сүхбаатар дүүрэг, Цагдаагийн гудамж
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890, 320502 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

ВЭБ ХОЛБООС

Хайлт