Ш.Жолбарс: Хуулийн этгээдийн бүртгэлийн үйлчилгээ онлайн хэлбэрт шилжинэ

УБЕГ-ын Хуулийн этгээдийн Бүртгэлийн газрын дарга Ш.ЖолБарстай ярилцлаа.

-Хуулийн этгээдийн бүртгэлийн газар ямар чиг үүргийн дагуу ажиллаж байна вэ?

-Хуулийн этгээдийн бүртгэлийн газар бол Улсын бүртгэлийн ерөнхий газрын харьяанд байдаг бөгөөд хуулийн этгээд шинээр болон өөрчлөн байгуулах, татан буулгасныг болон түүний үүсгэн байгуулах баримт бичигт өөрчлөлт орсныг улсын бүртгэлд бүртгэх чиг үүрэгтэйгээр үйл ажиллагаа явуулдаг.

Өөрөөр хэлбэл, Монгол Улсад бүртгэгдэж байгаа нийт хуулийн этгээдийг бүртгэдэг гэсэн үг. Орон нутагт 21 аймагт бүртгэгчтэй бөгөөд хуулийн этгээдийн бүхий л хэлбэрийг манай байгууллага бүртгэнэ.

-Иргэд хуулийн этгээд байгуулахын тулд юунд анхаарах вэ?

-Хуулийн этгээдийг байгуулахдаа тухайн байгуулах гэж байгаа хуулийн этгээдийн хууль тогтоомжийг судлах, тухайн иргэн хуулийн зохих мэдлэгтэй байвал ямар нэгэн хүндрэл учрахгүй. Хуулийн этгээдийн нэр нь манай  мэдээллийн санд байгаабусад хуулийн этгээдийн нэртэй давхцахгүй, шийдвэр дүрэм нь хууль ёсны нийтлэг шаардлагыг хангасан байх ёстой. Мөн иргэдийг мэдээллээр хангах үүднээс хуулийн этгээд бүртгүүлэхэд шаардлагатай бичиг баримтын жагсаалтыг цахим хуудсанд байршуулсан байгаа.

Ц.Пүрэвдорж: Иргэд өөрт ойр ТҮЦ машинд иргэний үнэмлэхийн захиалгаа өгөх боломжтой болно

“Иргэдийн оролцоо ба шилдэг агентлаг тодруулах аян”-ы хүрээнд УБЕГ-ын дарга Ц.Пүрэвдоржтой ярилцлаа.

-Олон  нийтийн хувьд  хам­гийн их хүнд сурталтай төрийн байгууллагын тухай асуухад танайхыг нэрлэдэг байсан. Одоо цахимжаад, аливаа лавлагааг ТҮЦ машинаас аваад эхлэхээр ачаалал буураад хэл амны бай болох нь багассан уу?

-УБЕГ 2010 онд иргэний шинэчилсэн бүртгэлийг эх­лүүлсэн. Мэдээж иргэн бүрийг энэ бүртгэлд хам­руулах, үнэн зөв мэдээлэл оруулах, лавлагаа өгөх гэх зэрэг олон ажил ундарч, ачаалал нэмэгдсэн. Харин өнөөд­рийн байдлаар ши­нэчилсэн бүрт­гэлийн ажил ерөнхийдөө дуус­сан­тай хол­боотойгоор ир­­гэний бүрт­гэлийн ажил жиг­дэрсэн.

Түүнчлэн үнэн, зөв бодитой мэдээллийн санг үүс­гэж чадсан. Энэхүү санг ашиглан иргэний бүртгэлтэй холбоотой бүх төрлийн лавлагаа, мэдээллийг өгч байгаа бөгөөд ачаалал эрс буурсан.

Зөвхөн 100 айлд ч бус аймаг, дүүргүүдэд ч ачаалал багатай бол­сон.

Содномдорж:16 мянган иргэнийг бичиг баримтжуулна

Нийслэлийн улсын бүртгэлийн газар нь иргэдийн баримт бичгийн зөрчлийг арилгах, баримт бичиггүй иргэдийг бичиг баримтжуулах сарын аянг өнөөдрөөс эхэлж байгаа юм.

Түүнчлэн цахим үнэмлэх хэвлэхгүй байна гэсэн гомдол иргэдийн зүгээс ирж байгаатай холбогдуулан эл асуултад Нийслэлийн улсын бүртгэлийн газрын дарга С.Содномдорж хариулт өгч байна.

-Бичиг баримтгүй иргэдийг  хэрхэн бичиг баримтжуулах вэ?

-Нийслэлийн улсын бүртгэлийн газраас Улаанбаатар хотын хэмжээнд 2013 оны гуравдугаар сарын 20-ны өдрөөс эхлэн  дөрөвдүгээр сарын 20-ныг хүртэл хугацаанд сарын аян зохион байгуулахаар болсон. Энэ сард багтан  иргэний бичиг баримтны зөрчлийг арилгах, бичиг баримтгүй иргэдийг  бичиг баримтыг нь олгох гол үндсэн зорилго тавьж байна. Өнөөдөр Улаанбаатар хотын хэмжээнд 2012 оны статистик тоогоор  1 сая 200 мянган иргэн амьдарч ажиллаж байна. Эдгээрээс 850 мянган иргэн 2010 онд зохион байгуулсан иргэний шинэчилсэн бүртгэлд хамрагдсан. Үлдсэн нь 16-гаас доош насны хүүхэд.

Сонгогчийн нэрсийн жагсаалтыг анх удаа УБЕГ-ын иргэний бүртгэлийн мэдээллийн сангаас гаргасан нь том амжилт байлаа

УБЕГ-ын Бүртгэлийн газрын дарга Д.Энхцэцэгтэй ярилцлаа.

-Шинэчлэлийн Засгийн газар 100 хоногийн ажлаа тайлагнаж байна. Энэ 100 хоногт Орон нутгийн ИТХ-ын сонгууль боллоо. Тэгэхээр танай байгууллага нэлээдгүй ачаалалтай, завгүй ажилласан байх. Сонгуулиас өмнө иргэдийн цахим үнэмлэхийг амжилттай олгож дууссан уу?
-Монгол Улсын иргэдэд өндөр нууцлалтай, тусгай чип бүхий иргэний цахим үнэмлэхийг олгож байгааг та бүхэн мэдэж байгаа. Цахим үнэмлэх авах ёстой  нэг сая 884 мянга 869 иргэнд Орон нутгийн сонгуулиас өмнө иргэний үнэмлэхийг нь хэвлэж төв орон нутагт хүргүүлж чадлаа. Нийт хүргэгдсэн цахим үнэмлэхээс нэг сая 832 мянга 63 иргэн сонгуулиас өмнө гар дээрээ иргэний үнэмлэхээ авч чадсан байна. Энэ бол нийт авах ёстой иргэдийн 97.5 хувь. Үлдсэн хилийн чанадад ажиллаж амьдарч байгаа,  хугацаат цэргийн алба хааж байгаа, хаяган дээрээ амьдардаггүй болон бусад шалтгаанаар цахим үнэмлэхээ авах боломжгүй иргэд байгаа талаар төв, орон нутгийн бүртгэлийн байгууллагаас мэдээ ирүүлсэн. Орон нутгийн сонгуулийн санал авах өдөр 2100  орчим иргэнд цахим үнэмлэхийг нь олгож, сонгуульд санал өгөх боломжоор хангаж  ажиллалаа.

Цахим үнэмлэх олгохоос өмнө шилжилт хөдөлгөөний асуудлаа шийдвэрлэх хэрэгтэй

Б.Чинбат: Цахим үнэмлэх олгохоос өмнө шилжилт хөдөлгөөний асуудлаа шийдвэрлэх хэрэгтэй 

Иргэний шинэчилсэн бүртгэлд хамрагдсан бүх иргэнд цахим үнэмлэх олгохоор болсон. Үнэмлэх олгох хугацаа яагаад хойшлоод байгаа болон бэлтгэл ажлын явцын талаар УБЕГ-ын Мэдээлэл технологийн газрын дарга Б.Чинбатаас тодрууллаа.

ХАРИЛЦАХ

Засгийн газрын хэрэгжүүлэгч агентлаг - Оюуны өмч, улсын бүртгэлийн ерөнхий газар 14171 Улаанбаатар хот, Сүхбаатар дүүрэг, Цагдаагийн гудамж
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890, 320502 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт