Тус газар Олон улсын ахмадын баярын өдрийг угтаж жил бүрийн 10 дугаар сарын эхний долоо хоногт ахмад настнуудаа хүлээн авч хүндэтгэл үзүүлдэг уламжлалтай. Үүний дагуу өнөөдөр бүртгэлийн байгууллагад олон жил үр бүтээлтэй ажиллаж байгаад өндөр настны тэтгэвэртээ гарсан 40 гаруй ахмад буурлыг хүлээн авч уулзан хүндэтгэл үзүүллээ.

УБЕГ иргэний, хуулийн этгээдийн, эд хөрөнгийн бүртгэлийн үйлчилгээг нэгдсэн байдлаар чирэгдэлгүй үзүүлэх боломж, нөхцлийг бүрдүүлэх зорилгоор зохион байгуулалтын нэлээд ажлыг хийж дуусган Эд хөрөнгийн эрхийн бүртгэлийн газарт үйлчилгээний шинэ танхим нээлээ.

Хороодын иргэний бүртгэлийн ажилтнуудын хууль, эрх зүйн мэдлэгийг дээшлүүлэх, нэгдсэн сүлжээ бүхий компьютерыг ашиглаж сургах, Монгол улсын Гэр бүлийн болон Иргэний бүртгэлийн тухай хууль, бусад хууль тогтоомжуудыг иргэний бүртгэлийн үйл ажиллагаанд хэрэглэж сургах зэрэг асуудлаар мэргэжил арга зүйн зөвлөгөө өгөх зорилгоор сургалт зохион явагдаж өндөрлөлөө.

Тамгын газрын Сургалт сурталчилгааны төвөөс тус газрын нийт ажилтан албан хаагчдыг ажил үүргээ гүйцэтгэхэд нь тус болох мэдээ мэдээллээр хангах, мэргэжил арга зүйн заавар, зөвлөмж өгөх, харилцааны соёлыг дээшлүүлэх зорилготой “Мэдээллийн цаг”-ийг уламжлал болгон зохион явуулдаг билээ.

Монгол Улсын Засгийн газрын Тэргүүн шадар сайдын 2009 оны 28 дугаар тушаалаар Засгийн газрын хэрэгжүүлэгч агентлаг УБЕГ-ын бүтэц, зохион байгуулалт, орон тоог 7 газар, 11 хэлтэстэйгээр нийслэлд Нийслэлийн бүртгэлийн газар, 21 аймагт Улсын бүртгэлийн хэлтэстэйгээр өөрчлөн зохион байгуулсан билээ.

Хэл сонгох

Хайлт

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо /АНУ-ын элчингийн чанх хойно /
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Зохиогчийн эрх © 2018 Улсын бүртгэлийн ерөнхий газар. Бүх эрхийг хуулиар хамгаалсан.

Хайлт