Улсын бүртгэлийн ерөнхий газраас 3 дугаар сарын 1-ээс 4 дүгээр сарын 1-нийг дуустал иргэний баримт бичгийн зөрчил арилгах аяныг зохион явуулж байна. Иргэд энэ хугацаанд иргэний үнэмлэх, төрсний гэрчилгээ, хаягын бүртгэлийн зөрчлөө арилгуулах боломжтой юм.

Монгол Улсын Төрийн албаны зөвлөл, Шведийн Төрийн захиргааны олон улсын институт (SIPU)-ын төслийн хүрээнд хэрэгжиж буй “Суралцагч байгууллагыг хөгжүүлэх манлайлал” сэдэвт сургалтад тус газрын газар, хэлтсийн удирдах албан тушаалтан, ахлах мэргэжилтэн, ахлах улсын бүртгэгч нийт 13 албан хаагч хамрагдаж байна.

Монгол Улсын Засгийн газар, Улсын онцгой комиссоос гаргасан “Малчдад туслах уриалга”-ын хүрээнд тус газрын харьяа аймаг нийслэлийн 649 албан хаагчдаас нийт 3.461.931 /гурван сая дөрвөн зуун жаран нэгэн мянга есөн зуун гучин нэгэн/ төгрөг болон лаа, шүдэнз, нэмнээ, бээлий, малын өвс тэжээл, эд материалын хандивыг өргөлөө.

Улсын бүртгэлийн ерөнхий газрын орон нутгийн удирдах ажилтны зөвлөгөөн 2010 оны 2 дугаар сарын 1-ээс 3-ныг дуустал Чингис хаан зочид буудалд явагдаж байна. Уг зөвлөгөөнд УБЕГ-ын удирдлага, 21 аймгийн улсын бүртгэлийн хэлтсийн дарга, Иргэний бүртгэлийн тасгийн дарга, Нийслэлийн бүртгэлийн газрын дарга, хэлтсийн дарга, дүүргүүдийн иргэний бүртгэлийн тасгийн дарга нар нийт 70 гаруй албан хаагчид хамрагдаж байна.

Монгол Улсын Засгийн газрын “Журам батлах тухай” 2007 оны 190 дүгээр тогтоол, Монгол Улсын Ерөнхийлөгчийн “Нээлттэй хаалганы өдрийг зохион байгуулж байх тухай” 2007 оны 97 дугаар зарлигийн дагуу тус газар 2009 онд “Нээлттэй хаалганы өдөр”-ийг сар бүрийн 2 дахь 7 хоногийн “Бямба “ гариг бүр тасралтгүй тогтмол нийт 14 удаа зохион байгуулж, иргэдийн сэтгэлд нийцсэн олон шинэлэг үйлчилгээг нэвтрүүлж ажилласан бол энэ удаа 2010 оны эхний “Нээлттэй хаалганы өдөр”-ийг өнөөдөр зохион явуулж байна.

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо /АНУ-ын элчингийн чанх хойно /
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890, 320502 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт