Иргэний шинэчилсэн бүртгэл эхэлснээс хойш тус газрын Иргэний баримтын архив төрсний бүртгэлийн лавлагаа авах гэсэн иргэдийн хөл хөдөлгөөнд дарагдсаар байна. Оочер дарааллыг цэгцэлж, үйлчилгээний ачааллыг тэнцвэржүүлэх зорилгоор дугаар, төрсний бүртгэлийн лавлагааны мэдүүлгийн хуудсыг иргэдэд тарааж эхэлсэн.

Долдугаар сарын 5-ны өдрөөс эхэлсэн иргэний шинэчилсэн бүртгэлд одоогийн байдлаар 400 гаруй мянган хүн бүртгүүлээд байгаа ажээ. Энэ удаагийн бүртгэлээр Монгол Улсад суурин суугаа хүмүүсээ баталгаатай бүртгэж авах зорилгыг өвөрлөсөн юм байна.

Төрсний гэрчилгээний лавлагаа авахаар ирж буй иргэд маань манайхаас тарааж буй төрсний бүртгэлийн лавлагааны мэдүүлгийн хуудсыг үнэн зөв бөглөх хэрэгтэй байна.

Улсын хэмжээнд иргэний шинэчилсэн бүртгэлийг өнгөрсөн сарын 5-ны өдрөөс эхлүүлсэн. Одоогийн байдлаар бүртгэлийн явц 22 хувьтай буюу нийт 392 мянган хүн хамрагдаад байна. Үүнээс нийслэлд 187421, орон нутагт 205042 иргэн бүртгүүлсэн байна.

Сүхбаатар дүүргийн 6-р хороо

-Иргэний шинэчилсэн бүртгэлийн ажил эхэлчихсэн. Иргэдийн ирц, ажлын явц ямар байна даа.

-Иргэний шинэчилсэн бүртгэлийн ажил нилээд ахицтай явж байгаа. Манай хорооны хувьд техник төхөөрөмж хүрэлцээтэй, өдөрт 50-60 хүн бүртгэх тооцоотой ажиллаж байна. Айлууд зусландаа гарсан байгаа болоод ч тэрүү, иргэдийн идэвхи муухан л байна. Манай хороо 7000 гаруй иргэнтэй. Тэдний 40 гаруй хувь нь ахмадууд. Бүртгэлд ахмадууд маань идэвхитэй хамрагдаж байгаа ч залуус жаахан хойрго хандаад байх шиг байна.

Улаанбаатар таймс

Ц.Ариун

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо /АНУ-ын элчингийн чанх хойно /
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890, 320502 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт