Дэлхийн Оюуны өмчийн өдрийг тохиолдуулан УИХ-ын гишүүн Н.Учралын санаачилгаар Монгол Улсын Ерөнхий сайдын ивээл дор “Оюуны Өмч,Инноваци-Хөгжлийн үндэс” сэдэвт форумыг Төрийн ордонд зохион байгууллаа. “Оюуны өмч, Инноваци-Хөгжлийн үндэс” форумд Монгол Улсын Ерөнхий сайд У.Хүрэлсүх болон УИХ-ын гишүүд, эрдэмтэн судлаачид, зохион бүтээгч, үйлдвэрлэгчид оролцов. Тус форумын үеэр Оюуны өмчийн нийгэм, эдийн засаг, соёлын ач холбогдол, түүнийг эдийн засгийн эргэлтэнд оруулах, Оюуны өмчийг эдийн засгийн эргэлтэнд оруулахад банкуудын гүйцэтгэх үүрэг, оролцоо, Инноваци компанийн засаглалын амжилтын үндэс, Контентын хөгжил боломж зэрэг сэдвээр УИХ-ын гишүүн Н.Учрал, ОӨУБЕГ-ын Зохиогчийн эрхийн газрын дарга Э.Мягмардорж, “Монгол Базальт” ХХК-ийн захирал Н.Ариунболд болон “Юнивишн” ХХК, Монголын банкуудын төлөөллөөс илтгэл тавилаа. 

Монгол Улсад Оюуны өмчийг дээдлэн хүндэлж, зохиогчийн эрх болон түүнд хамаарах эрхийг хамгаалахын төлөөх хамтарсан тунхаг бичиг байгуулав. Энэхүү тунхаг бичигт Оюуны өмч, улсын бүртгэлийн ерөнхий газрын Дэд дарга Д.Дэлгэрсайхан, Соёл урлагийн газрын дарга Г.Эрдэнэбат болон Харилцаа холбооны зохицуулах хороо, Монголын дуу бичлэг бүтээгчдийн үндэсний төв, Монголын кино уран бүтээлийг хамгаалах холбоо, Монголын Оюуны өмчийг хамгаалах холбоо зэрэг байгууллагын төлөөллүүд гарын үсэг зурлаа.  

Өнөөдөр Дэлхийн Оюуны өмчийн өдөр тохиож  байна. Анх 2000 онд НҮБ-ын төрөлжсөн байгууллага болох Дэлхийн Оюуны өмчийн байгууллагын ерөнхий ассамблейн хуралдаанаар жил бүрийн 04 дүгээр сарын 26-ны өдрийг Дэлхийн Оюуны өмчийн өдөр хэмээн тунхаглан зарласан. Энэ өдөр жил бүр тодорхой уриан дор болдог бөгөөд энэ жил “Өөрчлөлтийг хөтлөгч хүч: Шинийг санаачлагч, бүтээл туурвигч эмэгтэйчүүд” уриатайгаар тэмдэглэж байна. Манай улс тус өдрийг 14 дэх жилдээ тэмдэглэж байгаа юм. 

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо /АНУ-ын элчингийн чанх хойно /
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890, 320502 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт