Сүүлийн үед гаднын оронд аялах иргэдийн тоо эрс нэмэгдэгдэж, гадаад паспортын захиалга ч эрэлтээ даган өсч байна. Үүнийг дагаад бидний хэлж заншсанаар 100 айлын Улсын бүртгэлийн газарт уртаас урт дараалал үүсэж, ачааллаа дийлэхгүйд хүрсэн тухай бид өмнөх сурвалжлагаараа хүргэж байсан. Тэгвэл энэ асуудал хэдхэн хоногийн өмнө шийдэгдэв. 

Тодруулбал, дөрөвдүгээр сарын 9-нөөс 100 айлд байрлах Оюуны өмч, улсын бүртгэлийн ерөнхий газрын (ОӨУБЕГ) үйлчилгээний нэгдсэн байранд гадаад паспортын үйлчилгээ үзүүлдэггүй болсон. Тодруулбал, гадаад паспортаа та төвийн зургаан дүүрэг, "Дүнжингарав", "Драгон", "Мишээл", 7-н буудлын "Оргил" худалдааны төвд байрлах нийслэлийн үйлчилгээний нэгдсэн төвүүдийн Улсын бүртгэлийн хэлтэст харьяалал харгалзалгүй захиалж, захиалсан газраасаа паспортаа авах боломжтой болсон. Энэ ажлын явц ямар байгааг сурвалжиллаа.

Өрхийн хөгжлийг дэмжих жилийн хүрээнд Чингэлтэй дүүргийн улсын бүртгэлийн  хэлтсийн иргэний бүртгэлийн тасгийн 3 дугаар бүсээс 2018 оны 04 сарын 17-нд дүүргийн 14 дүгээр хорооны иргэний танхимд “Нээлттэй хаалганы өдөрлөг” зохион байгуулна. Тус дүүргийн 13, 14, 15, 16, 17, 18, 19 дүгээр хорооны иргэд Та бүхэн хүрэлцэн ирнэ үү.

Төрийн үйлчилгээг иргэдэд ойртуулах, түргэн шуурхай болгох Засгийн газрын бодлого зорилтын хүрээнд Оюуны өмч, улсын бүртгэлийн ерөнхий газраас Хуулийн этгээдийн оноосон нэрийг цахимаар олгох боломжийг бүрдүүллээ. Тодруулбал, иргэд интернэтэд холбогдон les.burtgel.gov.mn сайт руу орж, аж ахуй нэгжийнхээ нэрийг өөрсдөө шүүж, боломжит хувилбаруудыг илгээн баталгаажуулж, хуулийн этгээдийн нэрээ авах боломжтой.  Өдөрт дунджаар 100-200, жилдээ 20-40 мянган иргэн зөвхөн оноосон нэр авахын тулд зуун айл дахь улсын бүртгэлийн газрыг зорьдог. Нэрийг цахимаар олгосноор иргэдийн цаг зав, төсөв зардлыг хэмнэж байна.

Дэлхийн банкны санхүүжилтээр Монгол Улсын Засгийн газраас хэрэгжүүлж байгаа “Ухаалаг Засаг” төслийн хүрээнд  “Монгол Улсад эд хөрөнгийн эрхийн бүртгэлийн цахим систем бүрэн нэвтрүүлэх” дэд бүрэлдэхүүн хэсгийн хэрэгжилтийн явцыг хэлэлцэх уулзалтыг 2018 оны 04 сарын 12-ны өдөр зохион байгууллаа. Уулзалтад Оюуны өмч, улсын бүртгэлийн ерөнхий газрын дэд дарга Д.Дэлгэрсайхан, Дэлхийн Банкны ахлах эдийн засагч, багийн ахлагч Питер Силарски, Санхүүгийн зөвлөх Б.Дөлгөөн, Мэдээлэл, харилцаа холбооны технологийн зөвлөх Г.Энхболор нар оролцов. 

Оюуны өмч, улсын бүртгэлийн ерөнхий газрын албан хаагчдад “Албан хэрэг хөтлөлтийн стандарт” сэдэвт сургалтыг 2018 оны 04 сарын 10-ны өдөр зохион байгууллаа. Тус сургалт нь Оюуны өмч, улсын бүртгэлийн ерөнхий газрын үйл ажиллагаанд мөрдөгдөж байгаа албан баримт бичгийн агуулга, бүтэц, хэв загварт батлагдсан стандартыг баримтлах, баримт бичигтэй ажиллах ажлын арга хэлбэрийг боловсронгуй болгох, баримч бичгийн эмх цэгц, бүрдэл, хадгалалт ашиглалтыг сайжруулах зорилготой юм. Баримт бичгийн стандарт түүнд тавигдах шаардлага, Албан хэрэг хөтлөлтийн систем, түүний зохион байгуулалт сэдвээр “Шинэ иргэншил” дээд сургуулийн Албан хэрэг хөтлөлтийн багш Б.Алтанцэцэг хичээл заав. 

ХАРИЛЦАХ

Засгийн газрын хэрэгжүүлэгч агентлаг - Оюуны өмч, улсын бүртгэлийн ерөнхий газар 14171 Улаанбаатар хот, Сүхбаатар дүүрэг, Цагдаагийн гудамж
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890, 320502 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт