ДЭЛХИЙН ОЮУНЫ ӨМЧИЙН БАЙГУУЛЛАГА (ДОӨБ), МОНГОЛ УЛСЫН ОЮУНЫ ӨМЧ, УЛСЫН БҮРТГЭЛИЙН ЕРӨНХИЙ ГАЗАР БНСУ-ЫН ОЮУНЫ ӨМЧИЙН ГАЗРЫН ДЭМЖЛЭГТЭЙГЭЭР УРАЛДААНТ ШАЛГАРУУЛАЛТ ЗАРЛАЖ БАЙНА!

Уралдаант шалгаруулалтын гол зорилго нь бидний өдөр тутмын амьдралд тохиолдох бэрхшээлтэй асуудлыг шийдвэрлэх инноваци бүхий техникийн оновчтой шийдлийг олох, энэ үйл ажиллагаандаа патентийн мэдээллийг ашиглахыг хөхиүлэн дэмжиж урамшуулахад оршино. Уралдаант шалгаруулалтад Монгол Улсын иргэн, байнгын оршин суугч оюутан, судлаач ба зохион бүтээгч нар оролцох эрхтэй. Оролцогчид нь дангаараа эсхүл багаараа оролцох боломжтой. Уралдаант шалгаруулалтыг Дэлхийн Оюуны Өмчийн Байгууллага, Монгол Улсын оюуны өмч, улсын бүртгэлийн Ерөнхий Газар, БНСУ-ын Оюуны Өмчийн Газрын хамтран боловсруулсан журмын дагуу хоёр үе шаттай зохион явуулна.

Оролцохыг хүсэгчдийг 2016 оны 11 дүгээр сарын 01-25-ны өдрүүдийн 09-17 цагийн хооронд Монгол Улсын ОӨУБЕГ-ын Аж үйлдвэрийн өмчийн эрхийн Газрын (Мэдээллийн технологийн паркын байрны 4 давхар) 404 тоотод бүртгэнэ. Бүртгүүлэхдээ иргэний үнэмлэх болон оюутны эсхүл ажлын газрын үнэмлэх, иргэний үнэмлэхтэй ирнэ үү. 

Шагнал:

I. Эхний шалгаруулалтад тэнцсэн 10 хүртэл оролцогчдод ДОӨБ-ын “Батламж” гэрчилгээ олгоно.

II. Эцсийн шалгаруулалтын эхний 3 байрыг эзэлсэн оролцогчдод: 

1.  Дэлхийн Оюуны Өмчийн Байгууллагын медаль

2. Мөнгөн шагнал: 

I   дүгээр байр – US$ 1,250 

II  дугаар байр – US$ 750 

III дугаар байр – US$ 500

3.  Дэлхийн Оюуны Өмчийн Байгууллагын дараах зайны сургалтад үнэ төлбөргүй хамрагдах эрх:

- DL 301 Patents

- DL 318 Patent Information Search

- DL 320 Basics of Patent Drafting

Дэлгэрэнгүй мэдээллийг www.burtgel.gov.mn, www.ipom.mn цахим хуудас болон Мэдээллийн технологийн Үндэсний  паркын байрны 4 давхар) 404 тоотоос авч болно.

МОНГОЛ УЛСЫН ОЮУНЫ ӨМЧ, УЛСЫН БҮРТГЭЛИЙН ЕРӨНХИЙ ГАЗАР

ХАРИЛЦАХ

Засгийн газрын хэрэгжүүлэгч агентлаг - Оюуны өмч, улсын бүртгэлийн ерөнхий газар 14171 Улаанбаатар хот, Сүхбаатар дүүрэг, Цагдаагийн гудамж
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890, 320502 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт