НҮБ-ын Ази-Номхон далайн орнуудын Эдийн засаг, Нийгмийн комиссын төлөөлөгчдийг хүлээн авч уулзав

2017032822.jpg - 176.38 kb

Нэгдсэн Үндэстний Байгууллагын Ази-Номхон далайн орнуудын Эдийн засаг, Нийгмийн комисс (АНДОЭЗНК)-ын Статистикийн хэлтсийн төлөөлөгчид энэ оны 3 дугаар сарын 27-29-ний өдрүүдэд Улаанбаатар хотноо айлчилж байна. Энэ хүрээнд Оюуны өмч, улсын бүртгэлийн ерөнхий газрын удирдлага АНДОЭЗНК -ын Иргэний бүртгэл, хүн амын ердийн хөдөлгөөний статистик (ИБХАС)”-ын зөвлөх ноён Хелге Брунборг, АНДОЭЗНК -ын Статистикийн хэлстийн статистикч, ИБХАС-ын бүс нутгийн зохицуулагч ноён Хонг Фум Чун нарыг хүлээн авч уулзлаа.

Уулзалтанд ОӨУБЕГ-ын дарга Р.Содхүү, Тамгын газрын дарга Б.Бадамцэцэг, Иргэний бүртгэлийн газрын дарга Д.Энхцэцэг болон бусад төлөөлөл оролцлоо. Төлөөлөгчид айлчлах хугацаандаа Хууль зүй, Дотоод хэргийн Яам, Эрүүл Мэндийн Яам, Үндэсний Статистикийн Хороо, НҮБ-ын салбар байгууллагуудын удирдлага, холбогдох ажлын хэсэг болон албан хаагчидтай уулзалт зохион байгуулах юм. Эдгээр уулзалтын хүрээнд Монгол Улсын ИБХАС-ийн “Бүс нутгийн үйл ажиллагааны хөтөлбөр”-ийн үндэсний хэрэгжилтийг хангах мониторингийн төлөвлөгөөг хамтран боловсруулахад дэмжлэг үзүүлэхээр төлөвлөсөн байна. Уг хөтөлбөрийн агуулга нь “Монгол Улсын тогтвортой хөгжлийн үзэл баримтлал 2030”, Засгийн газрын 2016-2020 онд хэрэгжүүлэх үйл ажиллагааны төлөвлөгөөний 5.2.10-д заагдсан “Нэг иргэн-Нэг бүртгэл” хөтөлбөр зэрэг бодлогын баримт бичгүүд болон Эрүүл мэндийн яам, Үндэсний статистикийн хороо,  ОӨУБЕГ–ын 2017 оны 02 дугаар сарын 3-нд байгуулсан санамж бичгийн агуулгатай  бүрэн уялдах төдийгүй АНДОЭЗНК-ын мэргэжлийн зөвлөх үйлчилгээ нь бидний идэвхтэй үйл ажиллагаанд томоохон дэмжлэг болох юм. 

20170328.jpg - 205.45 kb

 

 

 

 

ХАРИЛЦАХ

Засгийн газрын хэрэгжүүлэгч агентлаг - Оюуны өмч, улсын бүртгэлийн ерөнхий газар 14171 Улаанбаатар хот, Сүхбаатар дүүрэг, Цагдаагийн гудамж
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890, 320502 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт