“Иргэний бүртгэлд суурилсан хүн амын ердийн хөдөлгөөний статистик мэдээг боловсруулан тархаах үндэсний чадавхийг бэхжүүлэх төсөл” –ийн анхдугаар семинарт амжилттай оролцлоо

20170117.jpg - 425.17 kb

НҮБ-ын Ази-Номхон Далайн орнуудын Эдийн засаг Нийгмийн комисс болон Эрүүл мэндийн санаачлагыг дэмжигч Блүмберг мэдээллийн төв (D4H) хамтран хэрэгжүүлж буй Иргэний бүртгэлд суурилсан хүн амын ердийн хөдөлгөөний статистик мэдээг боловсруулан тархаах үндэсний чадавхийг бэхжүүлэх төслийн анхдугаар семинар Тайландын Бангкок хотноо 2017 оны 01 дүгээр сарын 9-13-ны өдрүүдэд зохион байгуулагдлаа.

Тус семинарт Үндэсний Статистикийн хороо болон ОӨУБЕГ-ын төслийн багийн төлөөлөгчид болох ҮСХ-ны Хүн ам, орон сууцны тооллогын товчооны дарга А.Амарбал, ОӨУБЕГ-ын Иргэний бүртгэлийн газрын ахлах мэргэжилтэн Д.Отгонжаргал, ЭЗГХХ-ийн хэлтсийн мэргэжилтэн Т.Батгэрэл нар амжилттай оролцлоо. 

Анхдугаар семинарын хүрээнд Монгол Улсын иргэний бүртгэлд суурилсан хүн амын ердийн хөдөлгөөний статистикийг гаргах тайланг боловсруулах аргачлалд суралцаж өөрийн улсын иргэний бүртгэлд суурилсан хүн амын ердийн хөдөлгөөний статистикийг сайжруулах төлөвлөгөөг боловсруулав. 

“Монгол Улсын иргэний бүртгэлд суурилсан хүн амын ердийн хөдөлгөөний статистик мэдээг боловсруулан тархаах үндэсний чадавхийг бэхжүүлэх төсөл” нь 2016 оны 12 дугаар сараас 2017 оны 3 дугаар сарын хугацаанд хэрэгжих юм. Энэ хүрээнд төсөл хэрэгжүүлэгч байгууллагууд нь НҮБ-ын Статистикийн мэргэжилтэн нарын арга зүйн зөвлөмж дагуу иргэний бүртгэлийн мэдээллийн сангаас хүн ам зүйн ердийн хөдөлгөөний статистик мэдээг гаргах төлөвлөгөө болон загварыг боловсруулж, иргэний улсын мэдээллийн санд анализ хийж, иргэний бүртгэлээс хүн амын ердийн хөдөлгөөний статистик мэдээний тайланг гаргана. 

Цахим холбоос: http://www.getinthepicture.org/event/first-workshop-project-strengthen-national-capacity-producing-and-disseminating-vital

ХАРИЛЦАХ

Засгийн газрын хэрэгжүүлэгч агентлаг - Оюуны өмч, улсын бүртгэлийн ерөнхий газар 14171 Улаанбаатар хот, Сүхбаатар дүүрэг, Цагдаагийн гудамж
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890, 320502 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт