“Оюуны өмчийн газруудын хэрэглэгчдэд үзүүлэх үйлчилгээ, олон нийттэй харилцах болон мэдээлэл, сурталчилгааны үйл ажиллагаа” сэдэвт олон улсын семинарт оролцлоо

15356084_1510495308980634_2139822349_n.jpg - 48.94 kb

Дэлхийн Оюуны Өмчийн Байгууллага, Сингапур улсын Оюуны өмчийн газар хамтран “Оюуны өмчийн газруудын хэрэглэгчдэд үзүүлэх үйлчилгээ, олон нийттэй харилцах болон мэдээлэл, сурталчилгааны үйл ажиллагаа” сэдэвт семинарыг Сингапур хотноо  зохион байгууллаа. 

Тус семинарт  ОӨУБЕГ-ын Мэдээлэл, сурталчилгааны хэлтсийн дарга Т.Хулан, Эрх зүй, гадаад харилцааны хэлтсийн мэргэжилтэн Г.Сарнай нар оролцов.

Семинарт нийт 14 орны 28 оролцогч өөрийн орны оюуны өмчийн үйлчилгээ, мэдээлэл сурталчилгааны талаар санал солилцож, илтгэл мэдээлэл танилцуулж,  туршлага хуваалцав.  

Тодруулбал, "Хэрэглэгчдэд үйлчилгээ үзүүлэх нь – Оюуны өмчийн газруудын үндсэн чиг үүрэг", "Чанартай үйлчилгээ үзүүлэхийн тулд хэрэглэгчдэд үзүүлэх үйлчилгээний журмыг тодорхойлох нь", "Технологи ба инновацийг дэмжих төвүүдийг хэрэглэгчийн үйлчилгээнд ашиглах нь" зэрэг 12 нэр төрлийн сэдвээр мэдээлэл хийсэн байна.  

Энэхүү семинарын үеэр оюуны өмчийн үйлчилгээ үзүүлж байгаа төрийн байгууллагын үйлчилгээг сайжруулахын тулд хэрэгжүүлж болох арга хэмжээ, мөн оюуны өмчийн байгууллагын өөрийн үйлчлүүлэгч, олон нийттэй харилцахдаа анхаарах зүйлс, мэдээлэл, сурталчилгааг хүртээмжтэй, илүү үр дүнтэй хүргэх талаар дэлгэрэнгүй мэдээлэлтэй танилцаж, өөрийн байгууллагын үйл ажиллагаанд нэвтрүүлэх боломжтой гэж үзсэн арга хэмжээг хэрэгжүүлэхээр төлөвлөөд байна. 

 

 

ХАРИЛЦАХ

Засгийн газрын хэрэгжүүлэгч агентлаг - Оюуны өмч, улсын бүртгэлийн ерөнхий газар 14171 Улаанбаатар хот, Сүхбаатар дүүрэг, Цагдаагийн гудамж
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
Факс : 976-11-320083
И-мэйл хаяг : contact@burtgel.gov.mn
Вэб сайт : http://burtgel.gov.mn

ВЭБ ХОЛБООС

Хайлт