Техникийн хамтын ажиллагаа болон чадавхийг нэмэгдүүлэх сэдэвт Хилийн удирдлагын 4 дэх удаагийн бага хуралд оролцлоо

 1111.jpg - 76.03 kb

НҮБ-ын Олон улсын шилжилт хөдөлгөөний байгууллага, Ази-Номхон далайн ухаалаг үнэмлэхийн холбооноос хамтран зохион байгуулсан “Техникийн хамтын ажиллагаа болон чадавхийг нэмэгдүүлэх” сэдэвт Хилийн удирдлагын 4 дэх удаагийн бага хурал Тайландын Вант Улсын нийслэл Бангкок хотноо  2016 оны 11 дүгээр сарын 9-11-ний өдрүүдэд  хуралдав. 

 Тус хуралд ОӨУБЕГ-ын Мэдээллийн технологийн газрын ахлах мэргэжилтэн И.Уранчимэг “Монгол Улсын иргэний цахим үнэмлэх болон гадаад паспортыг сайжруулах явц” сэдвээр танилцуулга хийж, оролцогчдын сонирхсон асуултад хариулсан. Түүнчлэн  Монгол Улсын иргэний үнэмлэхэд суурилсан цахим гарын үсгийн хэрэглээ, гадаад паспортын шинэчлэл, Гадаадын иргэн, харьяатын газраас хэрэгжүүлж байгаа ажлын товч танилцуулгыг тус тус танилцуулсан. 

Энэ удаагийн бага хурлын зорилго нь Ази-Номхон далайн орнуудын шилжилт хөдөлгөөний шалган нэвтрүүлэх удирдлагын мэдээллийн системийн одоогийн түвшинг сайжруулж, шинжлэх ухаан техникийн орчин үеийн ололтуудыг оролцогч талуудад танилцуулах явдал юм. 

Бага хуралд зохион байгуулагч талаас гадна Олон улсын хамтын нийгэмлэгийн байгууллагууд болох НҮБ-ын Дүрвэгчдийн дээд комиссарын газар (UNHCR), Интерпол, НҮБ-ын Терроризмын эсрэг гүйцэтгэх удирдлага (UNCTED), Олон Улсын иргэний агаарын тээврийн байгууллага (ICAO), НҮБ-ын Хар тамхи болон гэмт хэрэгтэй тэмцэх алба (UNODC), улс орнуудын Гадаад харилцаа, Хууль зүй, Дотоод хэрэг, Нийгмийг аюулаас хамгаалах яам болон Шилжилт хөдөлгөөн, Хилийн хяналт, Гаалийн байгууллагын төлөөлөгчид оролцов.

 

ХАРИЛЦАХ

Засгийн газрын хэрэгжүүлэгч агентлаг - Оюуны өмч, улсын бүртгэлийн ерөнхий газар 14171 Улаанбаатар хот, Сүхбаатар дүүрэг, Цагдаагийн гудамж
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
Факс : 976-11-320083
И-мэйл хаяг : contact@burtgel.gov.mn
Вэб сайт : http://burtgel.gov.mn

ВЭБ ХОЛБООС

Хайлт