Оюуны өмч, улсын бүртгэлийн ерөнхий газар нь доор дурдсан үйл ажиллагааны тэргүүлэх чиглэлтэй байна:

2.4.1.Улсын хэмжээнд иргэн, хуулийн этгээд, эд хөрөнгийн эрхийн улсын бүртгэлийг хөтлөн явуулах;
2.4.2.Улсын бүртгэлийн мэдээллийн нэгдсэн сангийн нууцлал, аюулгүй байдлыг хангах;   
2.4.3.Оюуны өмч, улсын бүртгэлийн нэгдсэн тогтолцоог бүрдүүлэн бэхжүүлэх, мэдээллийг хэрэглээнд оруулах дундын өгөгдлийнсистемийг бий болгон хөгжүүлэх;
2.4.4.Оюуны өмч, улсын бүртгэлийн үйл ажиллагаанд орчин үеийн дэвшилтэт техник, технологийг нэвтрүүлэн ашиглах замаар үйлчилгээний шат дамжлагыг бууруулж, хүртээмж, шуурхай байдлыг эрс сайжруулах;
2.4.5.Оюуны өмчийн салбар дахь хууль тогтоомж, бодлогыг Монгол Улсын хөгжлийн шаардлага, олон улсын нийтлэг хүлээн зөвшөөрөгдсөн жишигт хүргэх зорилгоор боловсронгуй болгох талаар санал боловсруулах;
2.4.6.Аж үйлдвэрийн өмчийн эрхийн хамгаалалтын үйл ажиллагааг Монгол Улсын хууль тогтоомж, Монгол Улсын олон улсын гэрээ, хэлэлцээрт нийцүүлэн орчин үеийн мэдээллийн технологийн шийдлүүдийг нэвтрүүлэн үр ашгийг нэмэгдүүлэх;
2.4.7.Соёл урлагийн салбарын бүтээл туурвигч, уран бүтээлчдийн эрхийг хамгаалах тогтолцоог бэхжүүлэх;
2.4.8.Технологи, инновацийг дэмжих оюуны өмчийн таатай орчинг бүрдүүлэх, оюуны өмчийн ашиглалтыг нэмэгдүүлэн үйлдвэрлэлд нэвтрүүлэх, эдийн засгийн эргэлтэд оруулах нөхцлийг бүрдүүлэх;
2.4.8.Оюуны өмчийн зөрчилтэй хуурамч бараа, бүтээгдэхүүнтэй тэмцэх, тэдгээрийн хор хөнөөлийг олон нийтэд таниулах замаар оюуны өмчийн зөрчлөөс урьдчилан сэргийлэх, соён гэгээрүүлэх чиглэлээр үйл ажиллагааг хэрэгжүүлэх;
2.4.9.Газраас үзүүлэх төрийн үйлчилгээг иргэд, аж ахуйн нэгжид соёлтой, чанартай, шуурхай, ил тод нээлттэй хүргэх;
2.4.10.Төрөөс оюуны өмчийн салбарт баримтлах бодлого, хууль тогтоомж, Засгийн газрын үйл ажиллагааны хөтөлбөрийг хэрэгжүүлэх ажлыг зохион байгуулах, зохицуулах, шийдвэр гаргахад Хууль зүй, дотоод хэргийн сайдад мэргэшил бүх талын дэмжлэг үзүүлэх.

ХАРИЛЦАХ

Засгийн газрын хэрэгжүүлэгч агентлаг - Оюуны өмч, улсын бүртгэлийн ерөнхий газар 14171 Улаанбаатар хот, Сүхбаатар дүүрэг, Цагдаагийн гудамж
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
Факс : 976-11-320083
И-мэйл хаяг : contact@burtgel.gov.mn
Вэб сайт : http://burtgel.gov.mn

ВЭБ ХОЛБООС

Хайлт