Монгол Улсын Засгийн газрын тухай хуулийн 24 дүгээр зүйлийн 1 дэх хэсгийн 4 дэх заалт, Засгийн газрын агентлагийн эрх зүйн байдлын тухай хуулийн 9 дүгээр зүйлийн 9.1 дэх хэсэг, “Төрийн захиргааны байгууллагын тогтолцоо, бүтцийн ерөнхий бүдүүвчийг шинэчлэн батлах тухай”, “Монгол Улсын Их Хурлын 2016 оны 12 дугаар тогтоол”, “Төрийн захиргааны болон төрийн үйлчилгээний албан тушаалын ангилал, зэрэглэлийг шинэчлэн тогтоох тухай” Засгийн газрын 2007 оны 354 дүгээр тогтоол, “Засгийн газрын агентлагийн талаар авах зарим арга хэмжээний тухай” Засгийн газрын 2016 оны 4 дүгээр тогтоол, Хууль зүй, дотоол хэргийн сайдын 2016 оны А/16 тоот тушаалаар Оюуны өмч, улсын бүртгэлиын ерөнхий газрын үйл ажиллагааны стратеги, бүтэц, орон тооны дээд хязгаарыг 1259 байхаар баталж, зохион байгуулалтын өөрчлөлтийг хийлээ.

Шинэ бүтцээр Тамгын газар, Иргэний бүртгэлийн газар, Эд хөрөнгийн эрхийн бүртгэлийн газар, Хуулийн этгээдийн бүртгэлийн газар, Зохиогчийн эрхийн газар, Аж үйлдвэрийн өмчийн эрхийн газар, Хяналтын газар, Хяналт-шинжилгээ, үнэлгээ, дотоод аудитын газар, Мэдээлэл, технологийн газар, Улсын бүртгэлийн төв архив, Нийслэлийн улсын бүртгэлийн газар, Эрх зүй, гадаад харилцааны хэлтэс, Хүний нөөц, сургалтын хэлтэс, Мэдээлэл, сурталчилгааны хэлтэс, Санхүү, аж ахуйн хэлтэс, Гадаадад зорчих эрхийн бүртгэлийн хэлтэс, Ашиглалт, үйлчилгээний хэлтэс гэсэн 11 газар, 6 хэлтэстэйгээр үйл ажиллагаагаа эхлүүлээд байна.

Мөн аймаг, дүүргийн Улсын бүртгэлийн хэлтэс нь дотроо үндсэн 2 нэгжтэйгээр үйл ажиллагаагаа явуулахаар болов.

Энэ удаагийн бүтцийн өөрчлөлтийн онцлог нь Улсын бүртгэлийн ерөнхий газар Үндэсний статистикийн хороотой /хуучнаар/ нэгдсэн байсныг татан буулгаж, шинэ зохион байгуулалт, бүтцээр Оюуны өмчийн газартай нэгтгэн Оюуны өмч, улсын бүртгэлийн ерөнхий газар нэртэйгээр шинэчлэгдэж, өөрчлөгдлөө.

Оюуны өмч, улсын бүртгэлийн ерөнхий газрын бүтцийн ерөнхий тогтолцоо 

ХАРИЛЦАХ

Засгийн газрын хэрэгжүүлэгч агентлаг - Оюуны өмч, улсын бүртгэлийн ерөнхий газар 14171 Улаанбаатар хот, Сүхбаатар дүүрэг, Цагдаагийн гудамж
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
Факс : 976-11-320083
И-мэйл хаяг : contact@burtgel.gov.mn
Вэб сайт : http://burtgel.gov.mn

ВЭБ ХОЛБООС

Хайлт