Иргэний бүртгэлийн үйл ажилгаанд хяналтын тогтолцоог нэвтрүүлсэн нь

2000 оноос олон улсын байдал ээдрээтэй болж мансууруулах бодис, хар тамхи, хүн дамлан худалдах, буу зэвсэг дамлан худалдаалагчид тус улсын иргэний баримтыг ашиглах оролдлого гарах болсноос гадна Монгол Улсын иргэд гадаадад ажиллах нэрийн дор бусдын бичиг баримтыг засварлаж овог, нэр, төрсөн, он, сар, өдрөө засах, янз бүрийн аргаар хэд хэдэн паспорттай болохыг хичээх, ялангуяа гэмт хэрэг үйлдсэн хүмүүс гадаадад гарч орогнох явдал гарах болсон зэрэг нөхцөл байдал нь хяналтын ажлыг сайжруулахыг зүй ёсоор шаардаж байсан юм.
Үүнтэй уялдуулан хяналтын ажлыг сайжруулахын тулд Иргэний бүртгэл, мэдээллийн улсын төвийн даргын 2000 оны 21 дүгээр тушаалаар гадаад паспорт олгосон материалд хяналт, шалгалт хийх журам тогтоож, уг бичиг баримтын бүрдэлт үнэн зөв явагдаж цахим тоолуурт орсон эсэх, урьд нь авсан гадаад паспортаа хүчингүй болгуулсан эсэх, хүн амын автоматжуулсан төв регистрийн санд байгаа эсэх, тухайн хүний овог, нэр, регистрийн дугаар зөв эсэхийг хяналтын улсын байцаагч нар шалгаж баталгаажуулсны дараа паспортын бичилт, бүрдүүлэлтийг хийдэг болсон нь зөрчил дутагдал гарахаас урьдчилан сэргийлсэн арга хэмжээ болсон юм.
‘’Хяналт шалгалтын талаар авах зарим арга хэмжээний тухай’’ Иргэний бүртгэл, мэдээллийн улсын төвийн даргын 2000 оны 88 дугаар тушаал гарч Иргэний бүртгэл, мэдээллийн улсын төвийн Захиргааны удирдлагын хэлтэст хяналт шалгалтын тасаг байгуулж, үйл ажиллагааны үндсэн чиг үүргийг нь баталж, даргаар нь Раднаагийн Энхбатыг томилжээ. Тасаг нь дотоодын хяналт, шалгалтыг зохион байгуулах, илэрсэн зөрчил дутагдлыг арилгуулах, сахилга дэг журмыг бэхжүүлэх, аппаратын үйл ажиллгааны хөнгөн шуурхай байдал, үйлчилгээний соёлч боловсон харилцааг хэвшүүлэх үндсэн чиг үүргийг хэрэгжүүлж байв.
Үүний зэрэгцээ Монгол Улсын Засгийн газрын 2000 оны 172 дугаар тогтоолоор ‘’Иргэний бүртгэл, мэдээллийн улсын хяналтын дүрэм’’-ийг баталсанаар иргэний бүртгэл, мэдээллийн үйл ажиллагаанд тавих хяналтын шинэ хяналтын тогтолцоо бүрдэж, энэ нь иргэний бүртгэлтэй холбогдсон хууль тогтоомж, тэдгээртэй нийцүүлэн гаргасан журам, зааврыг тус улсын нутаг дэвсгэрт байгаа нийт иргэн, байгууллага хэрхэн биелүүлж байгаад хяналт тавих үйл ажиллагаа шинэчлэгдсэн гэж үзэж болно.
Дээрх дүрэмд Иргэний бүртгэл, мэдээллийн төв байгууллагад улсын ерөнхий байцаагч, улсын ахлах байцаагч, улсын байцаагч, аймаг, сум, дүүрэгт улсын ахлах байцаагч, улсын байцаагч иргэний бүртгэл, мэдээллийн улсын хяналтыг хэрэгжүүлэхээр тогтоосон байна.
Түүнчлэн уг тогтоолоор хяналтын улсын байцаагч нь хууль болон Иргэний бүртгэл, мэдээллийн улсын хяналтын дүрмээр хүлээсэн үүргээ биелүүлээгүй, хууль тогтоомж зөрчсөн тохиолдолд Төрийн албаны тухай, Иргэний бүртгэлийн тухай хууль болон холбогдох бусад хууль тогтоомжын дагуу хариуцлага хүлээнэ гэсэн заалт нь иргэний бүртгэлийн ажилтан байцаагч хүн ажлын хариуцлага алдаж хууль зөрчсөн тохиолдолд захиргааны хариуцлага хүлээлгэх тухай заасан анхны заалт байлаа.

ХАРИЛЦАХ

Засгийн газрын хэрэгжүүлэгч агентлаг - Оюуны өмч, улсын бүртгэлийн ерөнхий газар 14171 Улаанбаатар хот, Сүхбаатар дүүрэг, Цагдаагийн гудамж
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890, 320502 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

ВЭБ ХОЛБООС

Хайлт