Бүртгэлийн салбарын удирдах ажилтнууд гурван өдрийн турш чуулна

Улсын бүртгэлийн ерөнхий газрын төв, орон нутгийн удирдах ажилтны зөвлөгөөн Улаанбаатар хотноо энэ сарын 18-наас 20-ны өдрүүдэд болох гэж байна.

Энэхүү зөвлөгөөнөөр иргэний цахим үнэмлэхийг олгохтой холбогдуулан уг үнэмлэхийн шинэчлэлт, олголт, түүний тухай нэгдсэн ойлголт, загвар нууцлал, тодорхойлолт хийгээд цахим үнэмлэхийн бүртгэл хөтлөлт, мэдээлэл оруулах журам зэргийн талаар дэлгэрэнгүй танилцуулга хийх юм. Түүнчлэн улсын бүртгэлийн байгууллагын үйл ажиллагааны зорилт хийгээд өнгөрсөн онд авч хэрэгжүүлсэн арга хэмжээ, цаашид авч хэрэгжүүлэх арга хэмжээ, удирдамж, чиглэл, улсын байцаагч, бүртгэлийн ажилтнуудын ёс зүйн хэм хэмжээ зэргийг дүгнэн хэлэлцэх юм. Зөвлөгөөнд Улсын бүртгэлийн ерөнхий газар, нийслэлийн бүртгэлийн газрын удирдах ажилтнууд, хөдөө орон нутгийн нийт 60 гаруй албан тушаалтан оролцоно.

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт