“УЛСЫН БҮРТГЭЛИЙН ҮЙЛ АЖИЛЛАГАА, БОЛОВСРОНГУЙ БОЛГОХ АРГА ЗАМ” сэдэвт онол практикийн бага хурал болж өндөрлөв

Өнөөдөр Чингис зочид буудлын хурлын танхимд Монгол Улсад Бүртгэлийн байгууллага үүсч байгуулагдсаны 70 жилийн ой, “Бүртгэлийн ажилтан”-ы өдрийг тэмдэглэх ажлын хүрээнд “Улсын бүртгэлийн үйл ажиллагаа, боловсронгуй болгох арга зам” сэдэвт Онол практикийн бага хурал болж өндөрлөв.

Тус хурлыг Монгол Улсын Их сургуулийн ХЗДС-ийн Иргэний эрх зүйн тэнхим, Хууль зүйн үндэсний хүрээлэнтэй хамтран зохион байгуулсан бөгөөд Монгол Улсын Бүртгэлийн байгууллагын үйл ажиллагааны өнөөгийн байдал, цаашдын зорилт чиг хандлага, холбогдох эрх зүйн зохицуулалтыг боловсронгуй болгох, түүхэн болон өнөөгийн тvвшинг хэлэлцэж, санал солилцох зорилготой билээ. Хурлыг Монгол Улсын тэргүүн шадар сайд Н.Алтанхуяг, тус газрын дарга Л.Мөнхбаатар, Ардын багш, гавьяат хуульч, доктор профессор Б.Чимид нар оролцон нээж үг хэлсэн юм. Бага хуралд тус газрын орлогч болон холбогдох газрын дарга нар, МУИС-ийн ХЗС-ийн ОУЭЗТ, ХЭБГ, Хөрөнгийн эрхийн төслийн багийн ахлагч Марианна Посфай, МШХХТГ, ЭХЭБГ, Монголын Ипотекийн корпорацийн зэрэг байгууллагын удирдлага, эрдэмтэн, доктор профессорууд оролцон Монгол Улсын бүртгэлийн байгууллагын үйл ажиллагаа, өнөөгийн тогтолцоо болон цаашдын зорилт, хууль, эрх зүйн орчинг боловсронгуй болгох арга замын талаар 10 гаруй илтгэл тавьж, хэлэлцэв. Тухайлбал Монгол Улсын бүртгэлийн тогтолцоо, түүний үүсэл, хөгжил, өнөөгийн байдал , Эд хөрөнгийн бүртгэл болон хуулийн этгээдийн бүртгэлийн орчин үеийн чиг хандлага, тулгамдаж буй зарим асуудал, тэргүүн туршлага, Бүртгэл мэдээллийн нэгдсэн тогтолцоо бий болгох үндэсний хөтөлбөр, Иргэний бүртгэлийн нэгдсэн систем, Хуурамч баримт, бичиг үйлдэх, ашиглах гэмт хэрэг нь өршөөл үзүүлэх тухай хуульд хамрагдах уу, Хуулийн этгээдийн охин компаний улсын бүртгэл, түүнтэй холбоотой эрх зүйн асуудал зэрэг тулгамдаж буй өргөн сэдвийн хүрээнд явагдаж өндөрлөлөө.

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт