Монгол улсын иргэний шинэчилсэн бүртгэлд идэвхитэй оролцохыг улсын бүртгэлийн ерөнхий газраас иргэдэд уриалж байна

Иргэний шинэчилсэн бүртгэлд Монгол Улсын иргэн бүр хамрагдах бөгөөд хамгийн гол нь тухайн иргэн баримт бичгийн ямар нэгэн зөрчилгүй байх ёстой. Хэрэв та зөрчилтэй бол зөрчлөө арилгуулсан байх шаардлагатай.

Өөрөөр хэлбэл дээр дурдсан баримт бичгийн аль нэг нь байхгүй, мөн иргэний үнэмлэх, төрсний гэрчилгээн дээрх Таны овог, эцгийн нэр, регистрийн дугаар, төрсөн он,сар, өдөр гэх мэт бүртгэлийн мэдээлэл зөрсөн бол зөрчлийг заавал арилгаж байж шинэчилсэн бүртгэлд хамрагдах юм . Иргэний шинэчилсэн бүртгэлд бүртгүүлэх 16-аас дээш насныхан өөрийн биеэр байнгын оршин сууж байгаа хаягаараа харьяа сум, хороон дээрээ иргэний үнэмлэх, төрсний гэрчилгээтэйгээ очиж, цээж зургаа даруулан хурууны хээгээ өгч бүртгүүлэх юм. Харин 16 нас хүрээгүй хүүхдийн тухайд эцэг, эх, түүний асран хамгаалагч нь хариуцан бүртгэлд хамруулна. Ингэснээр улсын мэдээллийн нэгдсэн цахим сан бий болох юм. Мөн Иргэний шинэчилсэн бүртгэлд 1951 оноос өмнө төрсөн иргэдээс төрсний гэрчилгээ шаардахгүй. Иймд Монгол Улсын иргэн Та Монгол Улсын иргэнийхээ үүргийг биелүүлж, иргэний шинэчилсэн бүртгэлдээ идэвхитэй хамрагдаж, эх орныхоо хөгжилд үнэтэй хувь нэмэр оруулахыг Улсын бүртгэлийн Ерөнхий газраас уриалж байна. Ийнхүү Ta иргэний шинэчилсэн бүртгэлд хамрагдсанаар нэг талаас Монгол Улсын иргэний үүргээ биелүүлж, нөгөө талаас иргэнийхээ эрхээ баталгаажуулаад зогсохгүй төрийн үйлчилгээг олон шат дамжлагагүйгээр шуурхай авах нөхцөл бүрдэх юм.

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт