УБЕГ, түүний харьяа газрууд энэ бямба гаригт нээлттэй ажиллаа

Монгол Улсын Засгийн газрын “Журам батлах тухай” 2007 оны 190 дүгээр тогтоол, Монгол Улсын Ерөнхийлөгчийн “Нээлттэй хаалганы өдрийг зохион байгуулж байх тухай” 2007 оны 97 дугаар зарлигийн дагуу тус газар 2009 онд “Нээлттэй хаалганы өдөр”-ийг сар бүрийн 2 дахь 7 хоногийн “Бямба “ гариг бүр тасралтгүй тогтмол нийт 14 удаа зохион байгуулж, иргэдийн сэтгэлд нийцсэн олон шинэлэг үйлчилгээг нэвтрүүлж ажилласан бол энэ удаа 2010 оны эхний “Нээлттэй хаалганы өдөр”-ийг өнөөдөр зохион явуулж байна.

“Нээлттэй хаалганы өдөр”-ийг “Бямба” гаригт зохион явуулж байгаагийн давуу тал нь цаг хугацааны хувьд ажлын өдөр ирж үйлчилгээ авах боломжгүй төрийн болон хувийн хэвшлийн албан хаагчид, иргэд өргөнөөр үйлчлүүлж байгаа явдал юм. УБЕГ-ын албан хаагчид өвөлжилт хүндрэлтэй байгаа аймгуудад тусламж үзүүлэн “Нээлттэй хаалганы өдөр”-өөр ажилласан нэг өдрийн цалингаа хандивлахаар болсон нь энэ өдрийн онцлог юм. Энэ өдрийн хүрээнд Улсын бүртгэлийн үйлчилгээг шуурхай зохион байгуулж, байгууллагын үйл ажиллагааг иргэдэд нээлттэй чирэгдэлгүй хүргэж, иргэдийн өргөдөл гомдлыг тогтмол хүлээн авч улсын бүртгэлтэй холбоотой бүх төрлийн үйлчилгээг ерөнхий газрын хэмжээнд үзүүлж байна. Үүнд иргэний, эд хөрөнгийн эрхийн, хуулийн этгээдийн бүртгэлээр бүх төрлийн үйлчилгээг иргэдэд үзүүлэхээр болоод байна. Мөн иргэний, эд хөрөнгийн эрхийн, хуулийн этгээдийн бүртгэлтэй холбоотой бүх төрлийн архивын лавлагаа, үйлчилгээг авах боломжтой. Тухайлбал: Газар, бусад үл хөдлөх хөрөнгө, хөдлөх хөрөнгийн анхны өмчлөгч өөрчлөгдөх, барьцаа, түрээсийн гэрээ бүртгэх, гэрээ цуцлах, мөн түүнчлэн шинээр болон хуулийн этгээдийн нэр олгох, баталгаажуулах, үүсгэн байгуулсан баримт бичиг болон улсын бүртгэлийн жагсаалтад оруулсан өөрчлөлт, татан буугдсан хуулийн этгээдийг бүртгэх, улсын бүртгэлийн жагсаалтаас хасах, гадаад паспорт , түүний хүчинтэй хугацааг сунгах, хориг тавих, хүчингүй болгох, хүүхдийн хавсралт үнэмлэх шинээр олгох, иргэний гэр бүлийн 8 төрлийн болон үл хөдлөх хөрөнгө, хуулийн этгээдийн бүртгэлтэй холбогдсон архивын лавлагаа олгох зэрэг ажлын өдрүүдэд үзүүлдэг бүхий л үйлчилгээгээ өөр өөрийн байрандаа нэг цэгт хүргэж үйлчилнэ. “Нээлттэй хаалганы өдөр”-өөр иргэний бүртгэл, хуулийн этгээдийн бүртгэл, эд хөрөнгийн эрхийн бүртгэлийн газрын мэргэжилтнүүд баримт бичиг, үл хөдлөх хөрөнгө өмчлөх эрхийн болон, хуулийн этгээдийн улсын бүртгэлийн гэрчилгээг хадгалах эзэмших асуудлаар мэргэжил арга зүйн зөвлөгөө өгч, өргөдөл, санал хүсэлтийг нь амаар, бичгээр, утсаар, онлайнаар авч асуудлыг зохих журмын дагуу шийдвэрлэж өгнө. УБЕГ энэхүү “Нээлттэй хаалганы өдөр”-өө сар бүрийн 2 дахь долоо хоногийн Бямба гариг бүр бүх газрынхаа хүрээнд энэ хэлбэрээр тогтмол зохион явуулж байх юм.

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт