БНЕУ-руу явсан албан хаагчид сургалтандаа амжилттай хамрагдаад ирлээ

Тус газрын Хуулийн этгээдийн бүртгэлийн газрын дарга Ц.Ганболд, Иргэний бүртгэлийн газрын даргын үүрэг гүйцэтгэгч Д.Энхцэцэг, Хуулийн хэлтсийн даргын үүрэг гүйцэтгэгч Б.Нямдулам нар 2009 оны 10дугаар сарын 15-наас 11 дүгээр сарын 09-ны хооронд Арабын Бүгд Найрамдах Египет Улсын Гадаад хэргийн яамны “Египетийн сан”, БНЕУ-ын Ерөнхийлөгч Хосни Мубаракын нэрэмжит Цагдаагийн академитай хамтран Каир хотноо зохион байгуулсан “Интернэтийн орчин дахь гэмт хэрэг түүнээс урьдчилан сэргийлэх арга зам” сэдэвт сургалтад оролцлоо.

Сургалтын хүрээнд БНЕУ-ын хууль тогтоомж дахь мэдээллийн ахюулгүй байдлын эсрэг гэмт хэргийн эрх зүйн зохицуулалт, түүнийг илрүүлэхэд тулгамдаж буй асуудлууд, орчин үеийн техник, технологи, интернэтийн орчинг ашиглан үйлдэж байгаа гэмт хэргийн шинж байдал, энэ төрлийн гэмт хэргийг хянан шийдвэрлэж буй шүүхийн практик, цахим мэдээллийг хадгалах, хамгаалах, хакерын халдлагаас хэрхэн хамгаалах зэрэг онол, практикийн чухал ач холбогдолтой сэдвээр лекц сонсон сургалтад хамрагдлаа. Мөн амралтын өдрүүдэд БНЕУ-ын түүхийн дурсгалт газруудаар аялаж ард түмний ахуй амьдрал, түүх, соёл, шинжлэх ухааны арвин баялаг туршлагатай танилцан сургалтандаа амжилттай хамрагдаад ирлээ.

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт