Онлайн нэгдсэн сүлжээнд 21 аймгийн төвийн сумдыг холбохоор боллоо

НҮБ-ын Хөгжлийн хөтөлбөрийн дэмжлэгтэйгээр “Иргэний бүртгэлийн улсын нэгдсэн сүлжээ” төслийн хүрээнд 21 аймгийн төвийн сумдыг онлайн нэгдсэн сүлжээнд холбох, хуулийн этгээд, эд хөрөнгийн эрхийн бүртгэлийн программ хангамж суулгах, тохируулах, сургалт зохион байгуулах зэрэг ажлыг гүйцэтгүүлэхээр болоод байна.

Улсын бүртгэлийн ерөнхий газрын Мэдээлэл технологийн газраас 15 хүний бүрэлдэхүүнтэйгээр ажлын хэсэг томилогдон энэ сарын 23-наас ажиллаж эхэллээ. Уг ажлын хүрээнд хийгдэж байгаа Иргэний,эд хөрөнгийн эрхийн, хуулийн этгээдийн улсын бүртгэлийн алба нэг байранд орж ажиллаж байгаатай холбогдуулан аймгуудын комьютерийг нэгдсэн сүлжээнд холбох; Иргэний үнэмлэх хэвлэх тоног төхөөрөмжид үзлэг үйлчилгээ, тохируулга хийх; Техникийн аюулгүй ажиллагаа, дотоод сүлжээнд ажиллах журам болон шинээр суулгах программын талаар сургалт зохион байгуулах; зэрэг ажлуудыг аймгийн Улсын бүртгэлийн хэлтэс дээр зохион байгуулж, хэрэгжүүлэх юм.

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт