Үерт өртөгсдийн бичиг баримтыг үнэгүй олгоно

Өнгөрсөн сард орсон хүчтэй аадар борооны улмаас Хан-Уул дүүргийн 45 өрх, Баянзүрх дүүргийн 81 өрх, Сонгинохайрхан дүүргийн 29 өрх усанд автаж нийт 1800 гаруй иргэн бичиг баримтгүй болоод байгаа билээ. Үүнтэй холбогдуулан Нийслэлийн засаг дарга захирамж гаргаж үерт өртсөн иргэдийг бичиг баримттай болгох ажлыг хийж эхлүүлээд байна.

Үүний дагуу УБЕГазрын харъяа Нийслэлийн иргэний бүртгэлийн газар, дээрх дүүргүүдийн засаг даргын тамгын газар, хөдөлмөр халамж үйлчилгээний хэлтэс, төрийн бус байгууллагуудтай хамтарч тэдний нөөц хөрөнгөөр тус иргэдийг үнэгүй бичиг баримтжуулах ажил эрчимтэй хийгдэж байна. Одоогийн байдлаар үерт хамгийн ихээр өртсөн Баянзүрх, Сонгинохайрхан, Хан-Уул дүүргийн иргэдийн 50 хувийг бичиг баримттай болгоод байна. Үлдсэн иргэний үнэмлэхээ авч амжаагүй байгаа иргэд регистрийн дугаар бүхий 3% зураг, энгийн 2% зураг, төрсний гэрчилгээ, Хорооны засаг даргын цохолт хийсэн дахин олголтын анкетийг иргэн өөрийн биеэр очиж бөглүүлээд, /1500 төгрөг/-тэйгөө Нийслэлийн иргэний бүртгэлийн газарт ирж байцаагчид хандан иргэний үнэмлэхээ авч болох юм . Харин төрсний болон гэрлэлтийн гэрчилгээ зэрэг бусад бичиг баримтаа үерийн улмаас алдсан иргэд УБЕГ-ын Иргэний баримтын архиваас тухайн үрэгдүүлсэн бичиг баримтын талаарх лавлагаагаа авч харьяа дүүргийнхээ Иргэний бүртгэлийн газарт хандан бичиг баримтаа авах боломжтой.

Хэл сонгох

Хайлт

Видео мэдээ

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо /АНУ-ын элчингийн чанх хойно /
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Зохиогчийн эрх © 2018 Улсын бүртгэлийн ерөнхий газар. Бүх эрхийг хуулиар хамгаалсан.

Хайлт