“Авлигын эсрэг 2019” чуулганаар УБЕГ цахим шийдлээ танилцууллаа

Авлигатай тэмцэх бодлого, зорилтыг хэрэгжүүлэх, олон нийтийг соён гэгээрүүлэх, шинэ залуу үеийн хандалтыг эерэгээр өөрчлөх, иргэдийн оролцоо, идэвх санаачилгыг дэмжих зорилгоор “Авлигын эсрэг 2019” чуулганыг өнөөдөр /2019.11.30/ Авлигатай тэмцэх газраас зохион байгууллаа.

Тус чуулганаар шударга ирээдүй рүү тэмүүлсэн эрч хүчтэй, асуудлын шийдлийг олох хүсэлтэй залуучууд цуглан, зөв засаглал, шуурхай үйлчилгээ, дижитал гарц, олон нийтийн хяналт, тэр дундаа залуучуудын оролцооны талаар санал, туршлага солилцов.

Түүнчлэн цаг шаарддаг, олон шат дамжлагатай, дараалал үүсгэн чирэгдүүлдэг, хүнд сурталтай төрийн үйлчилгээг дэвшилтэт шинэ технологи ашиглан хийх дижитал шилжилт, өөрчлөх боломж болон цахим шийдлүүдийг танилцуулахаар төрийн болон төрийн бус байгууллагууд оролцов.

Энэхүү арга хэмжээнд Улсын бүртгэлийн ерөнхий газраас иргэн, хуулийн этгээд, эд хөрөнгийн эрхийн улсын бүртгэлийн лавлагаа, үйлчилгээний цахим системийг /burtgel.mn/ танилцуулахаар 23 төрлийн лавлагаа болон иргэний үнэмлэх дахин авах үйлчилгээг газар дээр нь үзүүллээ. Энэ нь төрийн үйлчилгээг түргэн шуурхай хүргэхэд дижитал гарц, мөн авлигын эсрэг хэрэгжүүлж буй цахим шийдлүүдийн нэг болсон гэдгийг чуулганд оролцочид болон зохион байгуулагчид онцолж байв. 

Ингээд чуулганаар танилцуулагдаж байсан илтгэлүүдээс болон фото тоймыг та бүхэнд хүргэе.

 

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт