Маргааш /2019.10.26/ УБЕГ-аас “Нээлттэй өдөрлөг” зохион байгуулна

Улсын бүртгэлийн нэгдсэн тогтолцоонд шилжсэний 10 жилийн ой 2019 оны 11 дүгээр сарын 23-нд тохиож буйтай холбогдуулан салбарын ололт амжилтыг олон нийтэд мэдээлж сурталчлах, улсын бүртгэлийн байгууллагаас үзүүлж буй үйлчилгээг иргэдэд түргэн шуурхай хүргэх зорилгоор 2019 оны 10 дугаар сарын 26-нд буюу Бямба гарагт Улсын бүртгэлийн байгууллагын бүх газар, хэлтэст “Нээлттэй өдөрлөг” зохион байгуулахаар болов.

Энэхүү өдөрлөгөөр нийслэлийн үйлчилгээний нэгдсэн 4 төвөөс /”Дүнжингарав”, “Драгон”, “Мишээл”, “Оргил”/ бусад бүх газар, хэлтэс буюу УБЕГ-ын Тамгын газар, УБЕГ-ын Үйлчилгээний 1, 2, 3-р байр, 21 аймгийн Улсын бүртгэлийн хэлтэс, Нийслэлийн Улсын бүртгэлийн газар, 9 дүүргийн Улсын бүртгэлийн хэлтэс болон сум, хороодын улсын бүртгэгч нар 10:00-16:00 цагийн хооронд ажиллах юм.

Амралтын өдөр зохион байгуулах болсон шалтгаан нь иргэд, тэр дундаа төрийн албан хаагчид ажлын өдрүүдэд бүртгэлийн байгууллагаас үзүүлж буй үйлчилгээг авах цаг зав хомс тул нэгдсэн арга хэмжээ зохион байгуулахаар шийдвэрлэсэн.

Энэ өдөр улсын бүртгэлийн зарим төрлийн үйлчилгээг газар дээр нь шуурхай хүргэх юм. 

1. Иргэний улсын бүртгэлийн газраас 15 төрлийн үйлчилгээ үзүүлнэ. Мөн:

- Үрэгдүүлсэн болон гэмтээсэн шалтгаанаар иргэний үнэмлэхийг дахин олгоход тухайн өдрийн 10:00-13:00 цагийн хооронд хүсэлтийг тань хүлээн авч /харьяалал харгалзахгүй/, өдөрт нь хэвлээд нийслэлийн дүүргийн Улсын бүртгэлийн хэлтэс 15:00-16:00 цагт олгоно. Анхааруулахад, Багануур, Багахангай, Налайх дүүргийн иргэдээс хүлээн авсан иргэний үнэмлэхийн захиалгыг 2019.10.28-нд /Даваа гараг/ хүргүүлнэ.

- Мөн иргэний үнэмлэхийн анх удаа болон сольж олгох /25, 45 нас/ иргэний улсын бүртгэлийн үйлчилгээг үзүүлнэ.

- Харин улсын бүртгэлийн үйлчилгээний үнэ хураамж, торгууль чөлөөлөгдөхгүй гэдгийг анхаарна уу.

2. Эд хөрөнгийн эрхийн улсын бүртгэлийн дараах үйлчилгээг үзүүлнэ.

- Барьцаалбартай барьцааны гэрээний бүртгэл

- Барьцаалбаргүй барьцааны гэрээний бүртгэл

- Барьцаалбартай барьцааны гэрээнд өөрчлөлт оруулах

- Барьцаалбаргүй барьцааны гэрээнд өөрчлөлт оруулах

- Барьцааны гэрээ дуусгавар болгох

- Хуулбар хийлгэх

- Үл хөдлөх эд хөрөнгөтэй эсэх лавлагаа

- Үл хөдлөх эд хөрөнгийн дэлгэрэнгүй лавлагаа

- Бусад үйлчилгээний мэдүүлгийг хүлээн авах

3. Хуулийн этгээдийн улсын бүртгэлийн дараах үйлчилгээг үзүүлнэ.

- Хуулийн этгээдийн нэр баталгаажуулах

- Шинээр байгуулагдсан хуулийн этгээдийг улсын бүртгэлд бүртгэх.

- Хуулийн этгээдийн мэдээлэлд оруулсан өөрчлөлтийг улсын бүртгэлд бүртгэх.

- Хуулийн этгээдийн улсын бүртгэлийн гэрчилгээ дахин олгох

- Тамга, тэмдэгийн хяналтын дугаар олгох, лавлагааг өдөрт нь өгөх

- Хуулийн этгээдийн баримт бичиг хүлээн авах

- Хуулийн этгээдэд улсын бүртгэлийн гэрчилгээ, баримт бичиг, хяналтын дугаарын хуудас олгох

- Иргэн, хуулийн этгээдэд хуулийн этгээдийн улсын бүртгэлтэй холбоотой зөвлөгөө, мэдээлэл өгөх

- Шинээр байгуулагдасан хуулийн этгээдийн улсын бүртгэлийн гэрчилгээ, баримт бичиг, хяналтын дугаарын хуудсыг өдөрт нь олгоно.

4. Архивын дараах лавлагааг олгоно.

- Төрсний бүртгэлийн лавлагаа

- Гэрлэлт бүртгэлийн лавлагаа

- Гэрлэлт дуусгавар болсны лавлагаа

- Гэрлэлт сэргээсний лавлагаа

- Эцэг/эх/ тогтоосны бүртгэлийн лавлагаа

- Овог, эцэг /эх/-ийн нэр, өөрийн нэр өөрчилсний лавлагаа

- Нас барсны бүртгэлийн лавлагаа

- Цахим үнэмлэхний лавлагаа

- Гадаад паспорт аваагүй лавлагаа

- Гадаад паспорт анх удаа авсан тухай лавлагаа

- Гадаад паспорт дахин авсан тухай лавлагаа

- Байнга оршин суугаа хаягийн лавлагаа

- Шилжилт хөдөлгөөний бүртгэлийн лавлагаа

- Иргэний үнэмлэх /паспорт/ аваагүй тухай лавлагаа

- Монгол Улсын харьяатаас гарсан бүртгэлийн лавлагаа

- Регистрийн дугаарын лавлагаа

- Регистрийн дугаар өөрчилсний бүртгэлийн лавлагаа

- 1 дүгээр маягтын лавлагаа

- Хуулийн этгээд бүртгэлгүй тухай лавлагаа

- Хуулийн этгээд бүртгэлгүй тухай лавлагаа

- Хуулийн этгээдийн дэлгэрэнгүй лавлагаа

- Хуулийн этгээдийн хаягийн лавлагаа

- Хуулийн этгээдийн нэр, хэлбэр өөрчилсөн тухай лавлагаа

Энэ үеэр хөгжлийн бэрхшээлтэй иргэдийн хөдөлмөр эрхлэлт, үйл ажиллагааг дэмжих зорилгоор тэдний үйлдвэрлэсэн бараа бүтээгдэхүүний худалдан авах, борлуулах үйл ажиллагааг дэмжих ажлыг зохион байгуулна. Мөн түүхэн баримт бичгээр үзэсгэлэн гаргаж, танилцуулах тул Та бүхэн өргөнөөр үйлчлүүлнэ үү.

Түүнчлэн Улсын бүртгэлийн нэгдсэн тогтолцоонд шилжсэний 10 жилийн ойг тохиолдуулан 10 дугаар сарын 21-нээс 11 дүгээр сарын 21-нийг хүртэлх хугацаанд иргэнд чиглэсэн, үйлчилгээг сайжруулах зорилгоор нэг сарын “Аян” зохион байгуулж байгаа болно.

УЛСЫН БҮРТГЭЛИЙН ЕРӨНХИЙ ГАЗАР

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт