ЗАЛРУУЛГА

2017 оны 7 дугаар сарын 02-ны өдөр тухайн үеийн Оюуны өмч, улсын бүртгэлийн ерөнхий газрын цахим хуудаст “Баянзүрх дүүргийн засаг дарга Д.Пүрэвдаваа тус дүүргийн улсын бүртгэлийн хэлтсийн үйл ажиллагаанд хууль бусаар халдлаа” гэсэн гарчигтай мэдээлэл нийтлэгдсэнийг иргэн Д.Пүрэвдаваагийн нэхэмжлэлээр  Сүхбаатар дүүргийн иргэний хэргийн анхан шатны шүүх хянан хэлэлцээд 2018 оны 7 дугаар сарын 19-ний өдрийн 181/ШШ2018/01587 тоот шийдвэр гаргасан байна. 

Уг шийдвэрээр Баянзүрх дүүргийн засаг даргаар ажиллаж байсан Д.Пүрэвдаваагийн нэр төр, алдар хүнд, ажил хэргийн нэр хүндийг сэргээж, мэдээ тараасан хэлбэр, арга хэрэгслээр няцаалт хийхийг хариуцагч Оюуны өмч, улсын бүртгэлийн ерөнхий газарт даалгасан. 

 

Дээрх шийдвэрийн дагуу Оюуны өмч, улсын бүртгэлийн /хуучин нэрээр/ шуурхай группын ажилтнууд руу Баянзүрх дүүргийн засаг дарга Д.Пүрэвдаваа хаалга үүдийг нь эвдэн дайран орж, тог таслан, камер салгаж, бүдүүлгээр сүрдүүлэн төрийн тусгай чиг үүрэг бүхий улсын бүртгэлийн асуудал эрхэлсэн төрийн захиргааны байгууллагын ажлыг хөндлөнгөөс хууль зөрчин саатуулаагүй болох нь тогтоогдсон тул Шүүхийн шийдвэрийн дагуу залруулга гаргаж байна.

УЛСЫН БҮРТГЭЛИЙН ЕРӨНХИЙ ГАЗАР

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт