Хууль тогтоомжийн хэрэгжилтийн талаар холбогдох төрийн байгууллагын удирдлагуудтай уулзлаа

Улсын бүртгэлийн ерөнхий газрын дарга Б.Баасандорж Газар зохион байгуулалт, геодези, зураг зүйн газар болон Нийслэлийн Газар зохион байгуулалтын албаны удирдлагуудыг 2019 оны 8 дугаар сарын 08-ны өдөр хүлээн авч уулзлаа.

Уулзалтад Улсын бүртгэлийн ерөнхий газрын дарга Б.Баасандорж, Хяналт шинжилгээ, үнэлгээ, дотоод аудитын газрын дарга Г.Цэцгээ, Мэдээллийн технолгийн газрын дарга Д.Ган-Эрдэнэ, Хяналт шалгалтын газрын дарга Б.Ганзориг, Эд хөрөнгийн эрхийн улсын бүртгэлийн газрын дарга Б.Ариунболд, мөн Газар зохион байгуулалт, геодези, зураг зүйн газрын орлогч дарга А.Батбаяр, Захиргаа, удирдлага, хамтын ажиллагааны газрын дарга Р.Ганхуяг, Нийслэлийн газрын албаны дарга А.Энхманлай болон албаны бусад хүмүүс оролцов.

Уулзалтаар иргэний өмчийн газар дээр нийтийн зориулалттай орон сууцны барилга, байгууламж барих зорилгоор газар өмчлөх эрхээсээ татгалзаж буй иргэдийн асуудлыг хэрхэн шийдвэрлэх, мөн Засгийн газрын 2013 оны 280 дугаар тогтоолоор  батлагдсан “Гудамж, зам, талбай, үл хөдлөх эд хөрөнгийг хаягжуулах журам”-ын хэрэгжилтэд тулгарч буй хүндрэлийг хэрхэн шийдвэрлэх талаар харилцан санал солилцож, ярилцлаа.

Талууд Монгол Улсын Засгийн газрын 2018 оны 397 дугаар тогтоолыг нэг мөр хэрэгжүүлэхтэй холбоотой асуудлаар санал нэгдэж, иргэний өмчийн газар дээр нийтийн зориулалттай орон сууцны барилга, байгууламж барихад газар өмчлөх эрхээсээ татгалзаж буй иргэдийн хүсэлтийг шийдвэрлэх эрх зүйн зохицуулалтын талаар нэгдсэн ойлголтод хүрэв.

Мөн  Засгийн газрын 2013 оны 280 дугаар тушаалаар батлагдсан “Гудамж, зам, талбай, үл хөдлөх эд хөрөнгийг хаягжуулах журам”-ын хэрэгжилтийн явц болон тулгамдаж буй асуудлыг Засгийн газарт ойрын хугацаанд танилцуулахаар шийдвэрлэлээ.

 

Улсын бүртгэлийн ерөнхий газар

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт