Орон нутгийн албан хаагчдад зориулсан зүүн бүсийн сургалт болж байна

Улсын бүртгэлийн багц хуулийн хэрэгжилтийг хангахтай холбогдуулж орон нутаг дахь улсын бүртгэлийн хэлтсийн албан хаагчдын хууль эрх зүйн болон ёс зүйн мэдлэгийг дээшлүүлэх зорилгоор Улсын бүртгэлийн ерөнхий газрын даргаар ахлуулсан баг зүүн бүсийн аймгуудад сургалт зохион байгуулж байна.


Энэхүү сургалтын үйл ажиллагаа зургадугаар сарын 24-ний өдөр Дорнод аймагт эхэлсэн бөгөөд Улсын бүртгэлийн ерөнхий газрын дарга Б.Баасандорж нээж үг хэлэв. Уг сургалтаар албан хаагчдад Улсын бүртгэлийн байгууллагын хүний нөөцийн бодлого, төрийн албан хаагчийн хувийн хэргийн баяжилт, албан хэрэг хөтлөлт, эд хөрөнгө, иргэний улсын бүртгэл хөтлөлт, хяналтын улсын байцаагчийн үйл ажиллагаа, бүртгэлийн системүүдийн ажиллагаа, цахим архивын програмаас лавлагаа олгох аргачлал, бүртгэлийн системүүд, тэдгээрийн нэмэлт өөрчлөлт, улсын бүртгэлийн байгууллагаас үзүүлэх цахим үйлчилгээ болон төрийн албан хаагчийн ёс зүй, байгууллагын үйлчилгээний стандартын талаар мэдээлэл, танилцуулга өглөө. Мөн Улсын бүртгэлийн хууль тогтоомжийн биелэлтэнд тавих хяналт шалгалт, эд хөрөнгийн эрхийн улсын бүртгэлийн тухай хуулийн практик хэрэглээ, иргэний улсын бүртгэлийн тухай хуулийн практик хэрэглээ, архивын эх нотлох баримтын нөхөн бүрдүүлэлт болон лавлагаа, мэдээлэл зэрэг анхаарах асуудлын талаар санал солилцож, үр дүнг хэлэлцсэн юм.


Орон нутгийн албан хаагчдад зориулсан ажлын байрны болон танхимын сургалтад Улсын бүртгэлийн хэлтсийн төрийн захиргааны нийт албан хаагчид хамрагдаж байна.

Сургалт Дорнод аймагт 6 дугаар сарын 24, 25-нд болсон бол Сүхбаатар аймагт 6 дугаар сарын 26, 27-нд, Хэнтий аймагт 6 дугаар сарын 28, 29-ний өдрүүдэд үргэлжлэн явагдана.

Видео мэдээ

ВЭБ ХОЛБООС

 

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо /АНУ-ын элчингийн чанх хойно /
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт