БНСУ-аас Монгол Улсад суугаа Элчин сайд Жон Жэн Намыг хүлээн авч уулзлаа

 Улсын бүртгэлийн ерөнхий газрын дарга Б.Баасандорж БНСУ-аас Монгол Улсад суугаа Элчин сайд Жон Жэн Нам, Элчин сайдын зөвлөх Парк Хеон Жин нарыг өнөөдөр хүлээн авч уулзлаа.
Уулзалтын эхэнд Элчин сайд Жон Жэн Нам цаг гарган хүлээн авч уулзаж байгаад талархаад, БНСУ-ын Койка Олон улсын буцалтгүй тусламжаас Монгол Улсын бүртгэлийн байгууллагад хэрэгжүүлсэн төсөл хөтөлбөрийн үр дүн, улсын бүртгэлийн байгууллагын үйл ажиллагааны талаар мэдээлэл авах хүсэлтэй байгаагаа илэрхийллээ.
Улсын бүртгэлийн ерөнхий газрын дарга Б.Баасандорж улсын бүртгэлийн байгууллагын үйл ажиллагааны талаар товч танилцуулаад, хоёр улсын хамтын ажиллагааны хүрээнд Солонгос улсын бүртгэлийн байгууллагын дэвшилтэт техник технологи, өндөр хөгжсөн үйлчилгээний талаар туршлага судалж, цаашид хамтран ажиллах хүсэлтэй байгаагаа уламжилсан. Мөн энэ үеэр БНСУ-ын Элчин сайдын яаманд Солонгос улсын виз мэдүүлэхтэй холбогдуулан иргэдийн бүрдүүлдэг баримт бичиг, лавлагаатай холбоотой гардаг хүндрэлтэй асуудлын талаар санал, хүсэлтээ илэрхийлж, шийдвэрлэж өгөхийг хүслээ.
Элчин сайд Жон Жэн Нам дэвшүүлсэн саналыг дэмжиж, хүлээн авч буйгаа илэрхийлээд, хамтран ажиллахаа мэдэгдлээ.

Видео мэдээ

ВЭБ ХОЛБООС

 

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо /АНУ-ын элчингийн чанх хойно /
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт