Санхүүгийн албан хаагчдын нэгдсэн сургалт болж байна

Улсын бүртгэлийн ерөнхий газар, нийслэл, орон нутгийн санхүүгийн албан хаагчдын санхүүгийн ур чадвар, хууль эрх зүйн мэдлэгийг нэмэгдүүлэх, төсөв, санхүү нягтлан бодох бүртгэлийн асуудлаар зөвлөмж, чиглэл өгөх нэгдсэн сургалт болж байна.

Сургалтыг тус газрын дарга Б.Баасандорж нээж үг хэлэв. Тэрээр “Байгууллагын үйл ажиллагаа тасралтгүй, эрсдэлгүй, хэвийн шуурхай явах нь санхүүгийн нэгж, санхүүгийн ажилтантай салшгүй холбоотой. Бид 2019 онд санхүүгийн үйл ажиллагаа, ажлын гүйцэтгэлд онцгой анхаарч ажиллана. Иймд дор бүрнээ хуулиар хүлээсэн үүрэгт ажилдаа хариуцлагатай хандаж, сахилга баттай ажиллахыг даалгаад” сургалтын үйл ажиллагаанд нь амжилт хүслээ.
Өчигдөр эхэлсэн эхний өдрийн танхимын сургалтаар  ХЗДХЯ-ын СХОГ-ын дарга Н.Цэвэлмаа “ХЗДХЯ-ын баримталж буй төсөв, санхүүгийн бодлого, цаашид анхаарах асуудал”, Сангийн яамны Төрийн сангийн газрын Санхүүжилт, тайлан бүртгэлийн хэлтсийн дарга Н.Мөнхсүх “Төрийн сангийн төлбөр тооцоонд тавих хяналт, анхаарах асуудал”, мөн яамны Төсвийн бодлогын газрын мэргэжилтэн Н.Дэгд “2020 оны төсөв боловсруулахад баримтлах бодлого чиглэл”, тус газрын СТГ-ын дарга С.Тэрбиш “УБЕГ-ын 2019 оны төсөв, санхүүгийн үйл ажиллагаа”, Үндэсний аудитын газрын САГ-ын ахлах аудитор Ш.Ичинхорлоо “2018 оны жилийн эцсийн санхүүгийн аудитын тайлангаар гарсан төлбөрийн акт, албан шаардлага, зөвлөмжийг хэрэгжүүлэх, цаашид анхаарах асуудал”, Удирдлагын академийн Төрийн удирдлагын тэнхимийн багш, магистр С.Ганцэцэг “Төрийн албан хаагчийн хөдөлмөрийн харилцаа”, Нийгмийн даатгалын ерөнхий газрын Бодлогын хэрэгжилт, судалгааны газрын ахлах мэргэжилтэн С.Лхагвадорж нар “Нийгмийн даатгалын тухай хуульд  орсон нэмэлт өөрчлөлт, нийгмийн даатгалын тайлан гаргахад анхаарах асуудал” сэдвээр илтгэл тавьж, санхүүчдэд зөвлөмж чиглэл өглөө. Мөн энэ үеэр тус газрын Санхүү төлөвлөлтийн газар болон зарим аймгийн ахлах нягтлан бодогч нар өөр өөрийн хариуцсан ажил чиг үүргийн хүрээнд илтгэл тавьж, харилцан мэдээлэл солилцлоо.
Хоёр дахь өдрийн ажлын байрны сургалт өнөөдөр Төв аймгийн Улсын бүртгэлийн хэлтэст үргэлжлэн явагдаж байна. Энэ үеэр санхүүчид харилцан туршлага солилцож, хэлэлцүүлэг өрнүүлэх юм. Уг сургалтад ерөнхий газар, нийслэл болон орон нутгийн нийт 30 гаруй  албан хаагч хамрагдаж байна. 



 

 

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо /АНУ-ын элчингийн чанх хойно /
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт