Улсын бүртгэлийн албан хаагчдад зориулсан “Иргэн төвтэй-төрийн үйлчилгээ” сэдэвт нэгдсэн сургалт 2019 оны 04 дүгээр сарын 15, 16-ны өдрүүдэд Дундговь аймагт зохион байгуулагдлаа

Улсын бүртгэлийн ерөнхий газраас Азийн хөгжлийн банкны техникийн туслалцааны дэмжлэгтэйгээр хэрэгжиж байгаа “Нийгмийн үйлчилгээний хүртээмжийг сайжруулах зорилгоор бүртгэлийн системийг боловсронгуй болгох төсөл”-тэй хамтран орон нутаг дахь улсын бүртгэлийн албан хаагчдад зориулсан “Иргэн төвтэй-төрийн үйлчилгээ” сэдэвт нэгдсэн сургалтыг 2019 оны 04 дүгээр сарын 15, 16-ны өдрүүдэд Дундговь аймагт зохион байгууллаа.
Энэ удаагийн сургалт танхимын сургалтыг ажлын байранд дадлага олгох сургалттай хослуулан явуулж байгаагаараа онцлог болж байгаа бөгөөд сургалтаар улсын бүртгэгч нарт 2018 оны 11 дүгээр сарын 01-ний өдрөөс хүчин төгөлдөр мөрдөгдөж эхэлсэн Улсын бүртгэлийн багц хууль, түүнийг дагалдаж батлагдсан дүрэм, журмыг хэрэгжүүлэхтэй холбоотой асуудлаар нэгдсэн ойлголт, анхаарах асуудлуудаар мэргэжил, арга зүйн зөвлөгөөг өглөө.
Мөн энэ үеэр Улсын бүртгэлийн ерөнхий газрын дарга Б.Баасандорж, Мэдээллийн технологийн газрын дарга Д.Ган-Эрдэнэ, Эд хөрөнгийн эрхийн улсын бүртгэлийн газрын дарга Б.Ариунболд, Улсын бүртгэлийн нэгдсэн архивын дарга С.Оюунгэрэл нар болон бусад холбогдох албан хаагчид Дундговь аймагт ажиллаж Улсын бүртгэлийн хэлтсийн үйл ажиллагаатай танилцаж, аймгийн Засаг дарга О.Бат-Эрдэнэтэй уулзан Дундговь аймгийн 12 сумыг улсын бүртгэлийн нэгдсэн сүлжээнд холбох асуудлыг ярилцаж шийдвэрлэлээ.
Сумдыг улсын бүртгэлийн нэгдсэн системд холбох ажлыг Азийн хөгжлийн банкны техникийн туслалцааны дэмжлэгтэйгээр Улсын бүртгэлийн ерөнхий газарт хэрэгжиж байгаа “Нийгмийн үйлчилгээний хүртээмжийг сайжруулах зорилгоор бүртгэлийн системийг боловсронгуй болгох төсөл”-ийн хүрээнд хэрэгжүүлэх юм.

Видео мэдээ

ВЭБ ХОЛБООС

 

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо /АНУ-ын элчингийн чанх хойно /
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт