Иргэд гадаад паспортын үйлчилгээг 10 цэгээс харьяалал харгалзахгүй авдаг болно 

Гадаад паспортын үйлчилгээг төвийн 6 дүүрэг рүү шилжүүлэхээр болсон талаар Оюуны өмч, улсын бүртгэлийн ерөнхий газраас хэвлэл бага хурал хийлээ. Хуралд ОӨУБЕГ-ын дэд дарга Д.Дэлгэрсайхан, Нийслэлийн Улсын бүртгэлийн хэлтсийн дарга Г.Анхныбаяр, Иргэний бүртгэлийн газрын дарга Д.Энхцэцэг, Тамгын газрын дарга Б.Бадамцэцэг нар оролцлоо.

Оюуны өмч, улсын бүртгэлийн ерөнхий газар нь нэг цэгт төвлөрч байсан гадаад паспортын үйлчилгээг сааруулж, 10 цэгээр дамжуулан иргэдэд үйлчлэхээр ажиллаж байна. Гадаадад зорчих эрхийн бүртгэлийн үйлчилгээний ачааллыг бууруулах, төвлөрлийг сааруулах, төрийн үйлчилгээг шуурхай хүргэх зорилгоор 2018 оны 04 сарын 09-ний өдрөөс эхлэн Баянгол, Сүхбаатар, Чингэлтэй, Хан-Уул, Сонгинохайрхан, Баянзүрх дүүргийн улсын бүртгэлийн хэлтэс, нийслэлийн үйлчилгээний нэгдсэн 4 төвд гадаад паспортын энгийн, яаралтай үйлчилгээг шилжүүлэхээр боллоо. Өөрөөр хэлбэл, иргэд харьяалал харгалзахгүйгээр төвийн 6 дүүрэг, нийслэлийн үйлчилгээний нэгдсэн төвүүдийн  улсын бүртгэлийн хэлтсээс гадаад паспортын үйлчилгээг авдаг болох юм. Харин Зуун айлд байрлах үйлчилгээний 1 дүгээр байранд гадаад паспортын үйлчилгээ үзүүлэхгүй. 

Улсын бүртгэлийн байгууллага нь 2015 онд 286862, 2016 онд 298464, 2017 онд 350421, 2018 оны 03 сарын 15-ны өдрийн байдлаар 70489 иргэнд гадаадад зорчих эрхийн бүртгэлийн үйлчилгээ үзүүллээ. 

 

 

 

 

Видео мэдээ

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо /АНУ-ын элчингийн чанх хойно /
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890, 320502 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт