Архангай, Өвөрхангай аймгийн Улсын бүртгэлийн хэлтсийн үйл ажиллагаанд хяналт, шалгалт хийлээ


Оюуны өмч, улсын бүртгэлийн ерөнхий газраас байгуулагдсан хянан шалгаж, дэмжин туслах үүрэг бүхий ажлын хэсэг 2017 оны 12 сарын 13-наас 12 сарын 19-ний өдрүүдэд Архангай, Өвөрхангай аймгийн Улсын бүртгэлийн хэлтэст ажиллаж, хяналт, шалгалт хийлээ. Тус шалгалт нь Улсын бүртгэлийн хэлтсийн үйл ажиллагаа холбогдох хууль, дүрэм, журмын дагуу явагдаж байгаа эсэх, илэрсэн зөрчлийг арилгах, цаашид авах арга хэмжээний талаар санал, зөвлөмж өгч, үйл ажиллагааг сайжруулахад дэмжлэг үзүүлэх зорилготой юм.

Хяналт, шалгалтыг дараах чиглэлээр хийж гүйцэтгэв. Үүнд:
1. Иргэний улсын бүртгэлийн үйл ажиллагаа
2. Эд хөрөнгийн эрхийн улсын бүртгэлийн үйл ажиллагаа
3. Хуулийн этгээдийн улсын бүртгэлийн үйл ажиллагаа
4. Хяналтын улсын байцаагчийн үйл ажиллагаа
5. Санхүүгийн үйл ажиллагаа
6. Хүний нөөцтэй холбоотой үйл ажиллагаа
7. Улсын бүртгэлийн архивын үйл ажиллагаа
8. Мэдээллийн технологийн үйл ажиллагаа
9. Хэлтсийн дотоод үйл ажиллагаа


Түүнчлэн нэгжийн үйл ажиллагаатай танилцаж, албан хаагчидтай ярилцаж, сургалт зохион байгуулж, судалгаа, түвшин тогтоох шалгалт авч, холбогдох нотлох баримтыг, цахим сантай тулган шалгав. Хяналт, шалгалтаар хангалттай үнэлгээтэй нэгжийг сайшаах, сайжруулах шаардлагатай үнэлгээтэй нэгжид санал, зөвлөмж өгч, сургалт явуулах, хангалтгүй үнэлгээтэй нэгжид хариуцлага тооцох эсэх асуудлаар шалгалтын бүрэлдэхүүн дүгнэлт гаргаж, Даргын зөвлөлийн хуралдаанаар хэлэлцүүлж, шийдвэр гаргуулна.
Энэхүү нэгдсэн арга зүйн дагуу төв, орон нутгийн салбар нэгжүүдэд шалгалт хийгдсэнээр оюуны өмч, улсын бүртгэлийн хууль тогтоомжийн хэрэгжилт бүрэн хангагдаж, бүртгэлийн системд дархлаажуулалтыг тогтоох юм.

Видео мэдээ

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо /АНУ-ын элчингийн чанх хойно /
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890, 320502 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт