ОӨУБЕГ-ын даргын зөвлөлийн нэгдсэн хуралдаан болон удирдах ажилтнуудын зөвлөгөөн боллоо

ОӨУБЕГ-ын даргын зөвлөлийн нэгдсэн хуралдаан болон удирдах ажилтнуудын зөвлөгөөн 2017 оны 11 сарын 17-ны өдөр боллоо. Хуралдаанаар Монгол Улсын Засгийн газрын “Сахилга хариуцлага, дэг журмыг чангатгах тухай” албан даалгаврын дагуу орон нутаг, дүүргүүдийн улсын бүртгэлийн хэлтсийн үйл ажиллагаанд хяналт, шалгалт хийсэн талаар хэлэлцэв. Удирдах ажилтнуудын зөвлөгөөнд газар, хэлтсийн дарга нар болон 21 аймаг, нийслэлийн 9 дүүргийн улсын бүртгэлийн хэлтсийн дарга нар, албан хаагчид  оролцлоо.  

Монгол Улсын Засгийн газрын “Сахилга хариуцлага, дэг журмыг чангатгах тухай” албан даалгаврын дагуу Улсын бүртгэлийн байгууллагын үйл ажиллагаа холбогдох хууль, дүрэм, журмын дагуу явагдаж байгаа эсэх, илэрсэн зөрчлийг арилгах, цаашид авах арга хэмжээний талаар санал зөвлөмж өгч, үйл ажиллагааг сайжруулах зорилгоор ОӨУБЕГ-ын даргын тушаалаар байгуулагдсан ажлын хэсэг 2017 оны 10 дугаар сарын 31-ний өдрөөс 11 дүгээр сарын 15-ны өдрүүдэд Баян-Өлгий, Хэнтий, Сэлэнгэ, Төв аймаг болон нийслэлийн Баянзүрх, Баянгол, Сонгинохайрхан, Хан-Уул дүүргийн улсын бүртгэлийн хэлтсийн үйл ажиллагаанд дараах 8 чиглэлээр хяналт шалгалт хийлээ. Үүнд: 

• Хэлтсийн албан хаагчдын чадавх, хүний нөөцийн бодлогын хэрэгжилт, сургалтын үйл ажиллагаа

• Техник, програм хангамжийн үйл ажиллагаа 

• Иргэний улсын бүртгэл хөтлөх үйл ажиллагаа 

• Эд хөрөнгийн эрхийн улсын бүртгэлийн чиглэлээр 

• Иргэний, эд хөрөнгийн архивын чиглэлээр 

• Төлөвлөгөөт ажлын хэрэгжилт, удирдлагаас өгсөн үүрэг, чиглэлийн биелэлт, холбогдох эрх зүйн актын хэрэгжилт 

• Албан бичиг, өргөдөл, гомдлын хуваарилалт, шийдвэрлэлт 

• Санхүүгийн үйл ажиллагаа гэсэн чиглэлээр хяналт шалгалт хийж, илэрсэн зөрчлийг арилгах, үйл ажиллагааг сайжруулж, цаашид авах арга хэмжээний талаар санал зөвлөмж өгч ажиллалаа.     

Шалгалтаар Төв аймаг болон Сонгинохайрхан, Хан-Уул дүүрэг сайн үнэлгээгээр дүгнүүллээ.  

 

 

 

Видео мэдээ

ХАРИЛЦАХ

Засгийн газрын хэрэгжүүлэгч агентлаг - Оюуны өмч, улсын бүртгэлийн ерөнхий газар 14171 Улаанбаатар хот, Сүхбаатар дүүрэг, Цагдаагийн гудамж
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890, 320502 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт