Оюуны өмч, улсын бүртгэлийн ерөнхий газар МУИС-тай хамтран ажиллах гэрээ байгууллаа 

Оюуны өмч, улсын бүртгэлийн ерөнхий газар Монгол Улсын Их сургуультай хамтран ажиллах гэрээ байгууллаа. Гэрээнд ОӨУБЕГ-ын дэд дарга Д.Дэлгэрсайхан, МУИС-ын захирал, доктор Я.Төмөрбаатар нар гарын үсэг зурав. Гэрээний хүрээнд талуудын хөгжил дэвшилд шаардлагатай хамтарсан судалгаа шинжилгээний ажил хийх, төсөл, хөтөлбөр хэрэгжүүлэх, байгууллагын үйл ажиллагаатай холбоотой төсөл, судалгаанд багш эрдэмтэд, мэргэжил, арга зүйн зөвлөгөө өгөх, сургалт зохион байгуулах чиглэлээр хамтран ажиллах юм.

Мөн “Боловсролын яармаг” арга хэмжээг зохион байгуулах, олон улсын хөтөлбөрийг хамтран хэрэгжүүлэх, тус газраас суралцаж байгаа магистрант, докторантыг гадаадын их сургуулиудын тэтгэлэгт хөтөлбөрт хамруулахад мэргэжил арга зүйн болон мэдээллийн туслалцаа үзүүлэх, ОӨУБЕГ-ын удирдлага, албан хаагчдын чадавхийг дээшлүүлэх чиглэлээр сургалт, эрдэм шинжилгээний бага хурлыг хамтран зохион байгуулах зэрэг ажлуудыг хэрэгжүүлэх юм.     

 

Видео мэдээ

ХАРИЛЦАХ

Засгийн газрын хэрэгжүүлэгч агентлаг - Оюуны өмч, улсын бүртгэлийн ерөнхий газар 14171 Улаанбаатар хот, Сүхбаатар дүүрэг, Цагдаагийн гудамж
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890, 320502 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт