“Оюуны өмчийн эрхийн хэрэгжилтэд хил дээр авах арга хэмжээ” сэдэвт семинарт оролцлоо 

АНУ- ын Хууль зүйн яам, АНУ- ын Хил, Гааль Хамгаалах Хамтын Ажиллагаа, Дотоодын аюулгүй байдлын судалгаа, АНУ-ын Дотоодын аюулгүй байдлын газар, АНУ - ын Төрийн Департаментын INL хөтөлбөрийн дэмжлэг, Олон Улсын барааны тэмдгийн нийгэмлэгээс хамтран 2017 оны 09 дүгээр сарын 12-15 өдрүүдэд Азийн бүсийн “Оюуны өмчийн эрхийн хэрэгжилтэд хил дээр авах арга хэмжээ” сэдэвт семинарыг  Тайланд улсад зохион байгууллаа.

Уг семинарт Азийн 17 орны 50 гаруй төлөөлөгч ороцсон бөгөөд Монгол Улсыг төлөөлөн Гаалийн ерөнхий газраас 2 төлөөлөгч, Оюуны өмч, улсын бүртгэлийн ерөнхий газрын Хяналтын газрын хяналтын улсын байцаагч С.Ганзориг, Л.Нямдулам нар уг семинарт оролцлоо.

Тус семинарын гол зорилго нь Оюуны өмчийн зөрчлийн талаар бусад хуулийн байгууллагуудтай хамтран ажиллах, гаалийн байгууллагатай хамтран хил дээр гарч буй зөрчлийг таслан зогсоох, шийдвэрлэх, зөрчлөөс урьдчилан сэргийлэх ажлыг зохион байгуулах туршлага солилцох явдал юм. 

Мөн Оюуны өмчийн зөрчлөөс болж дэлхий даяар хүний амь нас, эрүүл мэндэд маш ноцтой хохирлууд /машины эд анги, эм эмийн бүтээгдэхүүнүүд зэрэг/  учирч буй тул зөрчил илрүүлэхдээ гол биш, тухай зөрчлийг санаатай үйлдэж байгаа уг үндсийг олж таслан зогсоож,  улс орон бүр өөрсдийн хууль хяналтын бүх байгууллагатайгаа хамтран уялдаатай ажиллаж Оюуны өмчийн зөрчлийг алсуур нь арилгахын төлөө хамтран тэмцэх нь чухал байгаа юм. 

Видео мэдээ

ХАРИЛЦАХ

Засгийн газрын хэрэгжүүлэгч агентлаг - Оюуны өмч, улсын бүртгэлийн ерөнхий газар 14171 Улаанбаатар хот, Сүхбаатар дүүрэг, Цагдаагийн гудамж
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890, 320502 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт