ОӨУБЕГ ОХУ-ын Улсын бүртгэл, кадастар, зураг зүйн холбооны албатай хамтран ажиллах санамж бичиг байгууллаа

Оюуны өмч, улсын бүртгэлийн ерөнхий газар, ОХУ-ын Улсын бүртгэл, кадастар, зураг зүйн холбооны албатай харилцан ойлголцлын санамж бичиг байгууллаа. Санамж бичигт Оюуны өмч, улсын бүртгэлийн ерөнхий газрын дарга Р.Содхүү, ОХУ-ын Улсын бүртгэл, кадастар, зураг зүйн холбооны алба /Росреестр/-ны дэд дарга Мирошниченко Сергей Георгиевич нар гарын үсэг зурав.  

Монгол Улсын Эд хөрөнгийн эрхийн бүртгэлийн үйл ажиллагааг хөгжүүлэхийн тулд бусад орны туршлагыг судлах нь чухал. Энэ ч үүднээс Монгол Улсын бүртгэл, кадастар, зураг зүйн албаны үйл ажиллагааг сайжруулахад ОХУ-тай хамтран ажиллаж, харилцан туршлага солилцох юм. Түүнчлэн улсын бүртгэлийн цахим мэдээллийн сангийн нэгдсэн тогтолцоог бий болгох, бүртгэлийн мэдээлэл технологи, программ хангамжийг сайжруулах, үл хөдлөх эд хөрөнгийн эрхийг газрын нэгж талбарт суурилсан кадастрын зургийг үндэслэн бүртгэх чиглэлээр хамтран ажиллаж, энэ талаарх хууль тогтоомжийг харилцан судалж, ажлын хэсэг байгуулан ажиллахаар тохиролцов. 

ОХУ-ын Эдийн засгийн хөгжлийн яамны харьяа Улсын бүртгэл, кадастр, зураг зүйн холбооны алба нь үл хөдлөх хөрөнгийн эрхийн бүртгэл болон түүнтэй холбоотой үйл ажиллагаа, улсын үл хөдлөх хөрөнгийн кадастрыг хөтлөх төрийн үйлчилгээг эрхлэн явуулдаг томоохон байгууллага юм. 

 

Видео мэдээ

ХАРИЛЦАХ

Засгийн газрын хэрэгжүүлэгч агентлаг - Оюуны өмч, улсын бүртгэлийн ерөнхий газар 14171 Улаанбаатар хот, Сүхбаатар дүүрэг, Цагдаагийн гудамж
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890, 320502 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

ВЭБ ХОЛБООС

Хайлт