“Инновацийн шийдэл-Бидний амьдралд” уралдаант шалгаруулалтын шилдгүүд тодорлоо

04261.jpg - 238.98 kb

Шинийг санаачлагч, зохион бүтээгчдийг урамшуулах зорилгоор Дэлхийн Оюуны өмчийн байгууллага, Оюуны өмч, улсын бүртгэлийн ерөнхий газар,  БНСУ-ын Оюуны өмчийн газрын дэмжлэгтэйгээр “Инновацийн шийдэл-бидний амьдралд” уралдаант шалгаруулалтыг 3 дахь жилдээ зохион байгуулсан.

Бидний өдөр тутмын амьдралд тохиолдох бэрхшээлтэй асуудлыг шийдвэрлэх инноваци бүхий техникийн оновчтой шийдлийг олох, энэ үйл ажиллагаандаа патентийн мэдээллийг ашиглахыг дэмжиж, урамшуулах зорилго бүхий тус уралдаанд 39 бүтээл ирсэнээс, эхний шалгаруулалтад  10 бүтээл, эцсийн шалгаруулалтаар 3 бүтээлийг шилдгээр тодруулж, шагналын ОӨУБЕГ-ын дарга Р.Содхүү, ДОӨБ-ын Ази Номхон далайн орнуудын бүсийн товчооны хөтөлбөрийн ахлах мэргэжилтэн Ноён Таемин Еом нар гардуулж өглөө. 

Ингээд шилдэг  10 бүтээлийн эздээр дараах оролцогчид шалгарсан. 

1. Зохион бүтээгч С.Эрдэнэбалын “Тал хээрийн түймэр унтраах автомеханикжсан төхөөрөмж” шийдэл

2. Судлаач М.Баянжаргал нарын “Холимог уургийн гидролизат гарган авах арга” шийдэл

3. Мэс засалч Ц.Лочингийн “Хэвлийн хөндийн дурангийн мэс заслын аргаар цөсний хүүдийн том болон олон тооны чулууг авах мэс заслын багаж” шийдэл

4. Судлаач Н.Сайханцэцэгийн “Шидэт цай үйлдвэрлэх технологи” шийдэл 

5. Судлаач Д.Илчгэрэлийн “Өндөр хурдтай их гадаргуутай дулаан солилцогч” шийдэл

6. Зохион бүтээгч З.Золжаргалын “Салхивчны иж бүрэн агаар шүүгч” шийдэл

7. Зохион бүтээгч Ц.Баттулгын “Яндангийн утаа сарниулагч” шийдэл

8. Судлаач Ш.Төмөрсүхийн “Цус төлжүүлэгч биоэко бэлдмэл  "Орхоодой Увидас"” шийдэл

9. Зохион бүтээгч Б.Батсайханы “Дулааны энерги үйлдвэрлэх төхөөрөмж” шийдэл

10. Оюутан П.Амартүвшины “Ханын тавиур ширээ” шийдэл тус тус шалгарч, ОӨУБЕГ болон Солонгосын Оюуны өмчийн газрын Батламжаар шагнуулсан. 

042622.jpg - 180.35 kb

 Харин тус уралдааны  1-р байранд Зохион бүтээгч З.Золжаргалын “Салхивчны иж бүрэн агаар шүүгч” шийдэл,  2-р байр:  Химийн хүрээлэнгийн судлаачдын баг М. Баяржаргал, Т. Ган-Эрдэнэ, Ц. Ариунсайхан, Б. Мөнхцэцэг, А. Жанболат, Э.Лхагвамаа нарын “Холимог уургийн гидролизат гарган авах арга” шийдэл, 3-р байр:  Судлаач Д.Илчгэрэлийн “Өндөр хурдтай их гадаргуутай дулаан солилцогч” шийдэл шалгарч Дэлхийн Оюуны өмчийн байгууллагын алтан медаль, мөнгөн шагналыг гардан авлаа. 

 

 

Видео мэдээ

ХАРИЛЦАХ

Засгийн газрын хэрэгжүүлэгч агентлаг - Оюуны өмч, улсын бүртгэлийн ерөнхий газар 14171 Улаанбаатар хот, Сүхбаатар дүүрэг, Цагдаагийн гудамж
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890, 320502 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

ВЭБ ХОЛБООС

Хайлт