Мэндчилгээ

042522.jpg - 278.1 kb

НҮБ-ын төрөлжсөн байгууллага болох Дэлхийн Оюуны Өмчийн Байгууллагаас жил бүрийн 4 дүгээр сарын 26-ны өдрийг “ Оюуны өмчийг хамгаалах өдөр” болгон тэмдэглэн өнгөрүүлдэг билээ. Үүнийг үндэслэн “Нийтээр тэмдэглэх баярын болон тэмдэглэлт өдрүүдийн тухай” Монгол Улсын хуульд зааснаар бид бүхэн энэ өдрийг Оюуны өмчийг хамгаалах өдөр болгон тэмдэглэсээр даруй арав гаруй жил өнгөрчээ.

 

Инноваци хүмүүний амьдралын салшгүй нэг хэсэг болсон техник технологийн хөгжлийн өнөөгийн нөхцөлд дэлхийн чиг хандлагын дагуу оюуны өмчийг хамгаалах, оюуны өмчийн үр шимийг хүртэх хүний суурь  эрхийг хангах чиглэлээр төрөөс онцгой анхаарч байна. 

Монгол Улсын Засгийн газрын 2016-2020 оны үйл ажиллагааны хөтөлбөрт “Шинжлэх ухааны удирдлага, зохион байгуулалтын тогтолцоог олон улсын хөгжлийн чиг хандлагад нийцүүлэн боловсронгуй болгож, үр дүнд суурилсан санхүүжилтийн системийг нэвтрүүлж, мэдлэгт суурилсан инноваци, технологи, үйлдвэрлэлийг хөгжүүлж, шинжлэх ухааны үйлдвэрлэлийн бүтээгдэхүүнийг нэмэгдүүлнэ.” гэсэн зорилт дэвшүүлсэн.Энэ хүрээнд “оюуны өмчийн үнэлэмжийг нэмэгдүүлж, монгол хүний эзэмшиж байгаа зохиогчийн эрх, патентийг хамгаалах асуудлыг олон улсын түвшинд хүргэж, сурталчлах ажлыг идэвхжүүлэх“ зорилт тавин ажиллаж байна. 

Та бид салбар бүрт оюуны өмчийн эрхийн хамгаалалтын түвшинг дээшлүүлэх, патент бүрийг үйлдвэрлэлд нэвтрүүлэх, утга зохиол, урлагийн бүтээл бүрийг түмэн олондоо хүргэх замаар эдгээрийн  үр шимийг нь нийтээрээ хүртэж, эдийн засгийн үр ашгийг нэмэгдүүлэх нь эх сайхан монгол орныхоо хөгжлийг түргэтгэх нэгэн ундарга байх болно.

Энэ онд “Дээшлэх амьдралын эх-инноваци” уриатайгаар зохион байгуулагдаж буй “Оюуны өмчийг хамгаалах өдөр”-ийн эрхэм мэндийг шинийг санаачлагч, зохион бүтээгчид, утга зохиол, урлагийн салбарын бүх зохиолчид,эрх эзэмшигчид,  оюуны өмчийн салбарын үе үеийн нийт ажилтан, албан хаагчид,  итгэмжлэгдсэн төлөөлөгчид, эрдэмтэд, судлаачид, оюуны өмчийг хүндэтгэн дээдэлдэг иргэн, аж ахуйн нэгж байгууллагын хамт олонд  хүргэж оюуны өмчийг хамгаалах ажил үйлсэд нь улам их амжилт хүсэн ерөөе.

Оюун билигт монгол хүний ухаан улам ундарч, бүтээн туурвих их үйлс өнөд дэлгэрэх болтугай. 

                                                                ХУУЛЬ ЗҮЙ, ДОТООД ХЭРГИЙН САЙД С.БЯМБАЦОГТ  

 

 

 

Видео мэдээ

ХАРИЛЦАХ

Засгийн газрын хэрэгжүүлэгч агентлаг - Оюуны өмч, улсын бүртгэлийн ерөнхий газар 14171 Улаанбаатар хот, Сүхбаатар дүүрэг, Цагдаагийн гудамж
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890, 320502 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт