Шинжлэх Ухаан Технологийн Сантай хамтран ажиллах  гэрээ байгууллаа

20170206.jpg - 138.14 kb

“Оюуны өмчийн тогтолцоог хөгжүүлэх үндэсний стратеги”, Засгийн газрын мөрийн хөтөлбөрийг хэрэгжүүлэх зорилгоор “Оюуны өмч, Улсын бүртгэлийн ерөнхий газар, “Шинжлэх Ухаан Технологийн Сан” нар харилцан тохиролцож хамтран ажиллах гэрээ байгууллаа.

 Тус гэрээг ОӨУБЕГ-ын дарга Р.Содхүү, Шинжлэх ухаан, технологийн Сангийн захирал Д.Энхжаргал нар үзэглэлээ. Талууд дараах нөхцөлөөр хамтран ажиллах юм. Үүнд: 

  •  Эрхийн хамгаалалт хийгдэж патент гэрчилгээ олгогдсон шинэ бүтээл, бүтээгдэхүүний загвар, газар зүйн заалт, барааны тэмдэг, ашигтай загвар болон  Зохиогчийн эрх болон түүнд хамаарах эрхийн тухай хуулиар хамгаалагдах
  • Шинжлэх ухааны бүтээл, програм хангамж, бусад бүтээлийн үнэлгээ хийх,  түүнийг баталгаажуулах,
  • Баталгаажуулсан дүгнэлтийг үндэслэн төслийн санхүүжилт олгох, бүтээлийг инновацийн бүтээгдэхүүн болгоход ашиглах зорилгоор харилцан дэмжлэг үзүүлэх,
  • Шинжлэх ухаан технологийн сангаас ирүүлсэн үнэлгээ тогтоолгох хүсэлтийг хүлээн авч тогтоосон журмын дагуу оюуны өмчийн үнэлгээг баталгаажуулах,
  • Шинжлэх ухаан технологийн сангаас ирүүлсэн оюуны өмчийн үнэлгээг баталгаажуулахдаа үйлчилгээний хөлсний хэмжээнд хөнгөлөлт үзүүлж хамгийн доод хэмжээгээр тогтоох
  • Эрхийн хамгаалалт хийгдсэн аж үйлдвэрийн өмчийн эрхийн объект болон зохиогчийн эрхийн бүтээлээс үр дүн гарахуйц бүтээлийн мэдээллийг улирал тутам гаргаж өгөх,  
  • Оюуны өмчийн эрхийн хамгаалалт хийгдэж, үнэлгээ баталгаажуулсан бүтээлийг гадаад оронд эрхийн хамгаалалт хийлгэх болон экспортод гаргахад зохих зөвлөгөө туслалцаа үзүүлэх 

 

Видео мэдээ

ХАРИЛЦАХ

Засгийн газрын хэрэгжүүлэгч агентлаг - Оюуны өмч, улсын бүртгэлийн ерөнхий газар 14171 Улаанбаатар хот, Сүхбаатар дүүрэг, Цагдаагийн гудамж
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890, 320502 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт