Тус газар нь энэ оны хоёрдугаар сарын 02-ны өдөр УБЕГ болон Монгол шуудан ТӨХК-тай “Хамтран ажиллах гэрээ” байгуулсан билээ. Тэгвэл энэхүү гэрээний дагуу наймдугаар сарын 03-ны өдрөөс эхлэн Монгол шуудан компанийн шуудан хүргэлтээр дамжуулан улсын хэмжээнд эд хөрөнгийн эрхийн улсын бүртгэлийн бүртгэгдсэн гэрчилгээ, лавлагааг иргэдэд гараас гарт хүргэж үйлчилсээр байна.

Иймд иргэн, хуулийн этгээд нь шуудан хүргэлтийн үйлчилгээг сонгож, бүртгэгдсэн гэрчилгээ лавлагаагаа хаягаар шууд хүлээн авах боломжтой. Тус газар нь улсын бүртгэлийн үйлчилгээний чанар хүртээмжийг дээшлүүлэх, иргэн, хуулийн этгээдэд үзүүлж буй бүртгэлийн үйлчилгээг түргэн шуурхай, чирэгдэлгүй хүргэх зорилтын хүрээнд шуудан хүргэлтийн үйлчилгээг ийнхүү нэвтрүүлсэн юм. Уг үйлчилгээ нь иргэд, аж ахуй нэгж байгууллагын цаг хугацаа, эдийн засгийг хэмнэсэн чухал ач холбогдолтой үйлчилгээ болж чадсан бөгөөд иргэдийн зүгээс сэтгэл ханамж өндөр байна.