Монгол улсаас гадаад оронд суугаа Дипломат төлөөлөгчийн газрын тэргүүн нарын хоёр талын зөвлөлдөх уулзалт энэ сарын 6-наас 8-ны өдрүүдэд Улаанбаатар хотноо боллоо.

Тус уулзалтанд тус газрын Иргэний бүртгэл, гадаад паспортын газрын дарга Д.Энхцэцэг болон бусад хүмүүс оролцов. Уулзалтаар Монгол Улсын иргэд олноор сурч, амьдардаг БНСУ, Америк, Япон, Европын Холбооны Улс, БНХАУ-ын Дипломат төлөөлөгчийн газрын Тэргүүн нартай анхаарах ёстой асуудлуудын талаар зөвлөлдлөө. Мөн Унгар, Япон, Америк, Арабын Нэгдсэн Эмират Улсын ижил төрлийн байгууллагатай харилцаа холбоо тогтоох, хамтран ажиллах талаар санал солилцсон юм. Дээрх уулзалтыг Гадаад хэргийн яамнаас зохион байгуулав. Дашрамд дурдахад өнөөдрийн байдлаар Монгол Улсаас гадаадын дөчинзургаан оронд Дипломат төлөөлөгчдийн газар, байнгын болон суурин төлөөлөгчийн газар үйл ажиллагаагаа явуулж, иргэдийнхээ эрх ашгийг хамгаалан ажилладаг байна.