Хамт олон дундаа эрхэлсэн ажил, үйл ажиллагааны үр дүн, мэргэшлийн түвшингээр бусдыгаа манлайлж ажиллан 2015 оны нэгдүгээр улирлын шилдэгээр шалгарсан ажилтнуудад Тамгын газрын дарга С.Алтангэрэл шагналыг гардуулж баяр хүргэлээ.

Энэ удаагийн ээлжит шилдэгүүдээр Тамгын газрын гэрээт ажилтан Д.Уянга, Мэдээллийн технологийн газрын инженер Б.Цогтсайхан, Иргэний бүртгэл, гадаад паспортын газрын улсын бүртгэгч Д.Гэрэл, Эд хөрөнгийн бүртгэл, цахимжуулалтын газрын улсын бүртгэгч Ш.Наранцацрал, Гадаадын хөрөнгө оруулалт, хуулийн этгээдийн бүртгэлийн газрын улсын бүртгэгч У.Мандахтуяа, Бүртгэлийн хяналтын газрын хяналтын улсын байцаагч Ш.Уртнасан, Улсын бүртгэлийн төв архивын газрын ахлах архивч Я.Мөнхтулга, Санхүүгийн хэлтсийн нягтлан бодогч Л.Цанлиг, Сургалт, эрх зүйн хэлтсийн ахлах мэргэжилтэн Л.Өнөртуяа, Нийслэлийн Баянгол дүүргийн Бүртгэлийн хэлтсийн иргэний бүртгэлийн улсын бүртгэгч Н.Золжаргал нар шалгарсан юм. Ажлын үр дүн, идэвхи санаачлага, ололт амжилт, бүтээлч байдал, төрийн албан хаагчийн ёс зүй, нэр хүндийг эрхэмлэн дээдэлж, “Байгууллагын стандарт”, соёл, дэг журмыг сахин ажиллаж байгаа албан хаагчийг шагнаж, урамшуулах зорилгоор “УЛИРЛЫН ШИЛДЭГ АЖИЛТАН”-ыг улиралд нэг удаа ийнхүү шалгаруулдаг уламжлалтай.