Тус газраас манай Улсын зүүн гурван аймагт гарсан хээрийн гал түймэрт өртсөн сумдын ард иргэд, малчдад сэтгэл санааны дэм өгөх, бичиг баримтжуулах зорилгоор албан хаагчдынхаа дунд “САЙН ҮЙЛСИЙН АЯН”-ы хайрцагийг тойрон аялуулж эхэлсэн.

Сайн үйлсийн уг аянд зөвхөн төвийн ажилтан, албан хаагчид нэгдээд зогсохгүй орон нутгийн хэлтсийн хамт олон ч нэгдэж байгаагаа дуулгасан. Тэгвэл тэдгээрийн нэг Төв аймгийн бүртгэлийн хэлтсийн нийт хамт олон цуглуулсан хандиваа өнөөдөр холбогдох хүмүүст гардуулж өгөв. Аяны хүрээнд тусгайлсан хандивын данс нээсэн бөгөөд сэтгэлийн дэм болгон өргөсөн хамт олны хандивын хуримтлалыг түймэрт бичиг баримтаа үрэгдүүлсэн иргэдийг бичиг баримтжуулахад зарцуулах юм. Халуун сэтгэлийн гараа сунгаж, хамт олноороо сайн үйлсийн энэхүү аянд нэгдэж байгаа нийт ажилтан, албан хаагчдад зохион байгуулагчдын зүгээс талархаж байгаагаа хэллээ.

Сайн үйлс бүхэн дэлгэрэх болтугай