Монгол Улсад бүртгэлийн байгууллага үүсч хөгжсөний 75 жилийн ой энэ онд тохиож байгаатай холбогдуулан газар, хэлтсүүдэд “75 жилийн ойн нэрэмжит туг” аялуулах арга хэмжээг өнөөдөр эхлүүлж Тамгын газрын дарга С.Алтангэрэл төвийн буюу баруун бүсийн төлөөлөл Төв аймгийн Улсын бүртгэлийн хэлтсийн дарга С.Ундрахбаярт нэрэмжит тугийг гардуулж өгөв.

Тугийг аймаг, нийслэлийн газар, хэлтсүүд төлөвлөсөн хуваарийн дагуу 14 хоногийн хугацаатай аялуулахдаа бүртгэлийн байгууллагын үйл ажиллагааг иргэд, олон нийтэд сурталчлан таниулах арга хэмжээ зохион байгуулахаас эхлээд үйл ажиллагаа, үйлчилгээний чанар хүртээмжийг сайжруулах зэрэг олон талын шинэлэг ажлуудыг зохион байгуулах юм. 75 жилийн ой нэрэмжит 2 тугийг төвийн болон баруун бүсийг төлөөлж Төв аймгийн Улсын бүртгэлийн хэлтсээс эхлүүлж байгаа бол говийн болон зүүн бүсийг төлөөлж Архангай аймгийн Улсын бүртгэлийн хэлтсээс тус тус албан ёсоор ийнхүү эхлүүллээ. Бүртгэлийн байгууллагын нэрэмжит туг аймаг тус бүрт 14 хоногийн хугацаатай аялана. Харин тухайн аймаг аялуулах хугацаагаа дуусгаснаар хуваарийн дагуу дараагийн аймагтаа хүргэж өгөх юм . Дашрамд дурдахад улсын бүртгэлийн байгууллагын 75 жилийн ой энэ оны 11 дүгээр сарын 23-ны өдөр тохиож, тус газраас ойг угтсан олон арга хэмжээ зохион байгуулахаар төлөвлөсний нэг энэхүү арга хэмжээ юм. Мөн ажилтан албан хаагчдын хүүхэд, багачуудын дунд “МИНИЙ ААВ ЭЭЖИЙН АЖИЛ” сэдэвт гар зургийн уралдааныг зарлаад байгаа билээ.