Ерөнхийлөгчийн зарлигаар жил бүрийн 5, 10 дугаар сарын хоёр дахь долоо хоногт бүх нийтээр мод тарьдаг уламжлалын хүрээнд тус газрын зарим албан хаагчид сайн дурын үндсэн дээр нэгдэн байгаль орчноо сэргээх, ногоон байгууламжийг бий болгох зорилгоор “ЭКО КЛУБ”-ыг байгуулсан билээ.

Уг зарлигийн дагуу клубын гишүүд болон албан хаагчид өнөөдөр 160 гаруй ширхэг мод тарив. Эргэн тойрондоо ногоон байгууламжийг бий болгох, нэмэгдүүлэх, нөхөн сэргээх, байгаль орчноо хамгаалах үйлс нь иргэн бүрээс гадна хамт олны хүчин чармайлт оролцоо чухал гэдгийг хэлээд зохион байгуулалттай эхлүүлсэн энэхүү ажил улам өргөжинө гэдэгт итгэж байна. Эко клубын зүгээс дан ганц мод тариад зогсохгүй ойр орчмоо зүлэгжүүлэх, цэцгийн мандал суулгахаас гадна хамт олныг энэхүү сайн үйлсийн ажилд оролцуулах, ажилтан, албан хаагчдад энэ чиглэлийн сургалт зохион байгуулж, тэдэнд экологийн тодорхой мэдлэг, ойлголттой болгох ажлыг шат дараатай хийхээр төлөвлөөд байна гэж Тамгын газрын дарга С.Алтангэрэл хэллээ. Мод тарих арга хэмжээнд газар, хэлтсийн нийт 80 гаруй албан хаагч оролцож, үйлчилгээний 1 болон 3-р байрны гаднах 60 метр квадрат талбайд голт бор 5, монос 5, 150 ширхэг ургамлын хашлага мод бутыг тарилаа.