Улсын бүртгэлийн байгууллага үүсч хөгжсөний 75 жилийн ой “Улсын бүртгэлийн ажилтны өдөр”-ийг угтан зохион байгуулсан “Сагсан бөмбөг”-ийн аварга шалгаруулах тэмцээн өнгөрсөн амралтын өдөр буюу Бямба гаригт амжилттай болж өндөрлөлөө.

Энэхүү тэмцээнийг нээж Улсын бүртгэлийн ерөнхий газрын дарга Ц.Пүрэвдорж, Монгол Улсын хөдөлмөрийн баатар, гавъяат тамирчин, олимпийн аварга Н.Түвшинбаяр нар үг хэлээд оролцож буй нийт баг, тамирчдад амжилт хүслээ. Тэмцээнд улсын бүртгэлийн байгууллагын газар, хэлтэс, нэгжүүдийн нийт 16 багийн нийт 100 гаруй тамирчид оролцсоноос сагсан бөмбөгийн эрэгтэй төрөлд Тэргүүн байрыг НУБГ-ын “Зүүн бүс”-ийн баг, дэд байрыг НУБГ-ын “Баруун бүс”-ийн баг, гуравдугаар байрыг Мэдээллийн технологийн газар тус тус эзэлж, өргөмжлөл, медаль, мөнгөн шагналаар шагнагдав.

Харин эмэгтэйчүүдийн сагсан бөмбөгийн төрөлд Тэргүүн байранд НУБГ-ын “Төвийн бүс”-ийн баг, дэд байранд Иргэний бүртгэл, гадаад паспортын газар болон Улсын бүртгэлийн төв архивын газрын хамтарсан баг шалгарсан бол гуравдугаар байранд НУБГ-ын “Зүүн бүс”-ийн баг тус тус шалгарлаа. Шилдэг эрэгтэй тамирчнаар НУБГ-ын “Зүүн бүс”-ийн багийн гишүүн С.Мөнх-Санчир /Баянзүрх дүүрэг/, шилдэг эмэгтэй тамирчнаар НУБГ-ын Төвийн бүс-ийн багийн гишүүн Б.Мөнхтүвшин /НУБГ/ нар шалгарч бусдыгаа манлайлсан юм. Улсын бүртгэлийн байгууллагын Сагсан бөмбөгийн спортын арга хэмжээнд амжилттай оролцсон баг, тамирчид, нийт албан хаагчдад цаашдын ажилд нь амжилт хүсье.