Бүртгэлийн байгууллага үүсч хөгжсөний 75 жилийн ой энэ жил тохиож байгаа билээ. Тэгвэл үүнтэй холбогдуулан тус газрын Бүртгэлийн хяналтын газраас албан хаагчдын дунд Шатрын бооцоот тэмцээнийг өнгөрсөн амралтын өдөр зохион байгууллаа.

Тус тэмцээнд газар, хэлтсийн тамирчид идэвхитэй оролцож, авхаалж самбаагаа сорин уралдсанаас эрэгтэй тамирчдаас Улсын бүртгэлийн төв архивын газрын ахлах мэргэжилтэн Г.Хүчитбаатар тэргүүлж цом, алтан медаль, өргөмжлөл, мөнгөн шагналаар шагнагдсан бол удаах байруудад Баянгол дүүргийн Улсын бүртгэлийн хэлтсийн дарга Ц.Билэгсүх, Гадаадын хөрөнгө оруулалт, хуулийн этгээдийн бүртгэлийн газрын улсын бүртгэгч Ж.Нямдорж нар нь мөнгө , хүрэл медаль, өргөмжлөл, мөнгөн шагналаар тус тус шагнагдлаа. Мөн эмэгтэй тамирчдаас тэргүүн байранд Иргэний бүртгэл, гадаад паспортын газрын ахлах мэргэжилтэн Д.Отгонжаргал, дэд байранд Улсын бүртгэлийн төв архивын газрын ахлах мэргэжилтэн Д.Энхсаруул нар тус тус шалгарч алт, мөнгөн медаль үнэ бүхий зүйлээр шагнагдсан юм. Тэгвэл Блиц буюу түргэвчилсэн тоглолтонд Улсын бүртгэлийн төв архивын газрын гэрээт ажилтан Ц.Мөнхбаатар тэргүүлсэн бол дэд байранд Иргэний бүртгэл, гадаад паспортын газрын даргын үүргийг түр хавсран гүйцэтгэгч Ц.Батцайз нар тус тус шалгарч мөнгөн шагналаар шагнуулав. Түүнчлэн энэ үеэр байгууллагаас зохион байгуулж байсан үе үеийн шатрын тэмцээнүүдэд удаа дараа амжилттай оролцон амжилт гаргасан Улсын бүртгэлийн төв архивын газрын мэргэжилтэн Д.Мижиддоржийг тусгай шагналаар шагнаж урамшуулав.