Тус газраас өнөөдөр Хөгжлийн бэрхшээлтэй иргэдэд эрх зүйн мэдлэг олгох, төрийн үйлчилгээг хүртээмжтэй хүргэх нөхцлийг хангах зорилгоор хөгжлийн бэрхшээлтэй иргэд, тэдгээрийн асран хамгаалагч болон Сэргээн засалт, хөгжлийн үндэсний төвийн албан хаагчдад Эрх зүйн албан бус сургалтыг зохион байгууллаа.

Сургалтын зорилго улсын бүртгэлийн үйлчилгээ, үйл ажиллагааг сурталчлах, иргэний болон эд хөрөнгө, хуулийн этгээдийн улсын бүртгэлийн төрөл, үйлчилгээ, анхаарах асуудлын талаар үндсэн ойлголт өгөөд зогсохгүй бүртгэлийн хууль тогтоомжийг ойлгуулан таниулахад оршиж байгаа юм. Хичээлийг Улсын бүртгэлийн ерөнхий газрын холбогдох мэргэжлийн хүмүүс заан явуулсан бөгөөд тэдний сонирхсон асуултанд хариулж, зөвлөгөө мэдээлэл өгөв.