Жил бүрийн Улсын бүртгэлийн байгууллагын удирдах ажилтны нэгдсэн сургалт, зөвлөгөөний үеэр төв, орон нутгийн Улсын бүртгэлийн хэлтсийн өмнөх оны үйл ажиллагааг дүгнэж, байр эзлүүлэн шагнаж урамшуулдаг бөгөөд мөн ирэх оны үр дүнгийн гэрээг байгуулдаг уламжлалтай.

Тэгвэл энэ дагуу өнөөдөр Улсын бүртгэлийн байгууллага орон нутгийн шилдгүүдээ тодрууллаа. 2014 оны үйл ажиллагаа, ажлын амжилтаараа Баян-Өлгий аймгийн Улсын бүртгэлийн хэлтэс тэргүүн байрт шалгарсан бол Баян-хонгор аймгийн Улсын бүртгэлийн хэлтэс хоёрдугаар байр, Сэлэнгэ аймгийн Улсын бүртгэлийн хэлтэс гуравдугаар байрыг тус тус эзэллээ. Мөн энэ үеэр Улсын бүртгэлийн ерөнхий газрын газар, хэлтсүүдийн үйл ажиллагааг дүгнэж байр эзлүүлсэн бөгөөд Улсын бүртгэлийн төв архивын газар, Мэдээлллийн технологийн газар тус тус шалгарч бусдыгаа манлайлсан юм. Ажлын амжилтаараа шалгарсан дээрх аймгууд болон газруудад Улсын бүртгэлийн ерөнхий газрын дарга Ц.Пүрэвдорж, дэд дарга Р.Даваадорж нар “Батламж”, мөнгөн шагнал гардуулаад цаашдын ажилд нь амжилт хүслээ.