Сэлэнгэ аймгийн Засаг даргын эрхлэх асуудлын хүрээний агентлаг, сум, багийн 2014 оны үйл ажиллагааны үр дүн болоод 2015 онд хийж хэрэгжүүлэх зорилго, зорилтоо тодорхойлох "Нутгийн захиргааны байгууллагын удирдах ажилтнуудын зөвлөгөөн" энэ сарын 06-нд аймгийн Засаг даргын Тамгын газрын байранд боллоо.

Энэ үеэр аймгийн Засаг даргын эрхлэх асуудлын хүрээний агентлагуудын 2014 ны үйл ажиллагааны үр дүнг дүгнэж шалгаруулснаас тус аймгийн Улсын бүртгэлийн хэлтэс тэргүүн байр эзэлж өргөмжлөл, мөнгөн шагналаар шагнуулав. Зөвлөгөөний төгсгөлд агентлаг, сум, багийн удирдлагууд аймгийн Засаг даргатай үр дүнгийн гэрээ байгуулсан юм.